2022/01/29
Америк доллар
МОНГОЛ БАНК:
2,849.50₮
B30
УЛААНБААТАР
-13°
|
-22°
B30
УЛААНБААТАР
-16°
|
-24°
B30
УЛААНБААТАР
-16°
|
-25°
12:00
S26
-19°
13:00
S26
-20°
14:00
S26
-20°
15:00
S26
-21°
16:00
S29
-21°
17:00
S29
-22°
18:00
S29
-22°
19:00
S29
-23°
20:00
S29
-24°
21:00
S29
-24°
22:00
S29
-25°
23:00
S29
-25°

Ч.Хүрэлбаатар: Хууль зүйн яам нь ийм асуудал оруулж ирэхээр Монголын хууль хэзээ ч цэгцрэхгүй юм байна

А.Төгөлдөр, iKon.mn
2022 оны 1 сарын 14
iKon.MN
Зураг
Гэрэл зургийг mpa.mn
эрэмбэлэх:   шинэ нь эхэнд хуучин нь эхэнд

12:49 2022/01/14

ШУУД ҮЗЭХ: 

https://fb.watch/awGB7YwyVr/

Улсын өмгөөлөгчийн цалинг шүүгч, прокурорынхтой дүйцүүлнэ гэдэг заалт гишүүдийн дунд маргааш дэгдээсэн тул уг хуулийн төслийг гүйцээн боловсруулахаар анхны хэлэлцүүлэгт буцаав. 

12:43 2022/01/14

УИХ-ын Ч.Хүрэлбаатар: Яг үнэндээ завхрал явагдаж байна. Би попроод гоё юм ярьж чадна л даа. Гэхдээ ямар нэгэн асуудал шийдэхдээ бусад бүх тогтолцоогоо нураадаг. Түүнийг гоё үгээр тайлбарладаг.

Бид хуулийн гажуудлыг засах гэж энд сууж байгаа. Хэн ч гоё зүйл ярьж чадна. Энэ 76 хүн попроод ярих юм бол Монголын төрийг самартал ярьж чадна. Гэхдээ бид зарчимтай байх ёстой.

Улсын өмгөөлөгч яг төрийн албан хаагчийн цалингийн сүлжээний дагуу цалинжина гэж байна. Хийж гүйцэтгэж байгаа ажил нь юу билээ.

Алслагдсан дүүрэг, суманд ажиллаж байгаа улсын өмгөөлөгчид таван жил тутамд урамшуулал олгохоор болж байна. Үүн дээр төрийн албан хаагчийн цалингийн сүлжээний дагуу цалинжина гэж байна. Энэ асуудлыг шийдэж байгаа арга нь буруу байна шүү. Хууль зүйн яам нь ийм асуудал оруулж ирэхээр Монголын хууль хэзээ ч цэгцрэхгүй юм байна.

УИХ‑ын гишүүн Б.Энхбаяр: Энэ бол 70 гаруй хүний асуудал. Олон жилийн турш цалингийн сүлжээтэй холбоотой буруу практик бий болгосон. Хамгийн сүүлд С.Чинзориг гишүүн Шүүхийн шийдвэр гүйцэтгэх байгууллагын ой болж байгаатай холбоотойгоор цалинг нь нэмүүлсэн. Гэтэл одоо эсрэг юм яриад сууж байна.

Улсын өмгөөлөгчийн цалингийн асуудлыг энэ жилийн улсын төсөвт тусгаад баталчихсан юм билээ. 

Улсын өмгөөлөгчид 700 мянган төгрөгийн цалин өгчихөөд, 700 хүний эрхийг хамгаал гэхээр энэ худлаа болчихоод байгаа юм.

Тэгэхээр бид нэг өмгөөлөгчийн цалинг нэмэх тухай асуудлыг харахаас илүү өмгөөлүүлж байгаа хүний эрхийг хамгаалах тухай асуудал байгааг анхаарах хэрэгтэй байна.

12:13 2022/01/14

УИХ-ын гишүүн П.Анужин: Энэ хуулийн хамгийн гол заалт болох улсын өмгөөлөгчийн цалинг шүүгч, прокурорынхтой дүйцүүлнэ гэдэг заалт байнгын хороон дээр дэмжигдээгүй байна. Төлбөрийн чадваргүй магадгүй хэлмэгдэж байгаа иргэддээ хууль зүйн туслалцаа үзүүлэх нь төрийн эрхэм үүрэг.

Хуулийн төслийн амин чухал заалт болох улсын өмгөөлөгчийн цалинг нэмэгдүүлэхтэй холбоотой заалтыг дэмжих хэрэгтэй гэж үзэж байна.

УИХ-ын гишүүн, хууль санаачлагч Б.Дэлгэрсайхан: Улсын өмгөөлөгчийн цалинг нэмэгдүүлэх саналыг байнгын хороо дэмжээгүй. Төсөвт тусгасан уу үгүй юу гэдэг дээр зарим гишүүн эргэлзээд, энэ заалтыг унагаасан. Өмнө нь огт байгаагүй зүйлийг шинээр бий болгож, зардал нэмэх гэж байгаа юм шиг ойлгоод дэмжээгүй.

УИХ-ын гишүүн П.Анужин: Төсөв мөшгих сэдвээ бид зөв олмоор байна гишүүд ээ. Эрх нь зөрчигдөж байгаа иргэддээ туслалцаа үзүүлэх гэхээр төсөв ярьж байна. Гэтэл бурхан элдэв юм барих болохоор төсөв нь илүүдэж хэдэн тэрбумаар орж ирж байж таарахгүй. Бид хүний эрхээс ухарч болохгүй. Төлбөрийн чадваргүй иргэддээ туслалцаа үзүүлэх асуудал дээр төсөв ярьж байгаа бол эмгэнэл шүү.

Тиймээс улсын өмгөөлөгчийн цалинг нэмэх асуудлыг дэмжих ёстой гэж үзэж байна.

11:41 2022/01/14

УИХ-ын чуулганы хуралдаанаар Хууль зүйн туслалцааны тухай хуулийн төсөл болон хамт өргөн мэдүүлсэн бусад хуулийн төслүүдийн анхны хэлэлцүүлгийг хийж байна. 

Өмнөх хуулиар зөвхөн төлбөрийн чадваргүй яллагдагчдад улсын өмгөөлөгч үйлчилгээ үзүүлэх зохицуулалт байсан. Харин уг хууль хэрэгжиж эхэлснээр үйл ажиллагаа нь өргөжүүлж, хэргийн гэрч, хүүхэд, өөрийгөө хамгаалах чадваргүй хүн, гэр бүлийн хүчирхийллийн хохирогч, ажлын халагдсан хүмүүст өмгөөллийн үйлчилгээ үзүүлдэг болгохоор тусгажээ. Үүнээс гадна үл хөдлөх хөрөнгө эзэмшигч, өндөр настан, хөгжлийн бэрхшээлтэй иргэд, өрх толгойлсон хүмүүст өмгөөлөл үзүүлэхээр заасан байна. 

Мөн аймгийн төвд тасралтгүй ажиллаж байгаа өмгөөлөгчид зургаан сар, суманд тасралтгүй ажиллаж байгаа өмгөөлөгчид 12 сарын цалинтай тэнцэх хэмжээний мөнгөн урамшууллыг таван жил тутамд олгоно гэж заасан байна. Үүнээс гадна улсын өмгөөлөгчийн цалингийн асуудлыг хуулийн хэлэлцүүлгийн явцад саналын томъёоллоор оруулж байгаа аж. Тодруулбал, улсын өмгөөлөгчийн цалинг шүүгч, прокурортой дүйцүүлэх буюу 1.5-2 сая төгрөгийн цалинтай болгох санал гаргажээ. 

УИХ-ын гишүүн Д.Тогтохсүрэн: Энэ хуулийн төслийг дэмжихгүй байна. Ийм хууль гаргаж болохгүй байна. Бид улсын өмгөөллийн том сүлжээ бий болгох гэж байна. Асар мөнгө гарна шүү дээ. Аймаг, суманд нэгжтэй болно, таван жил тутамд тэтгэмж олгоно, орон сууцаар хангана, тээврийн хэрэгсэл унааны мөнгийг нь өгнө гэж байна. Ийм боломж төсөвт байхгүй.

Өмгөөлөгч хувийн журмаараа ажиллаад, харин төлбөрийн чадваргүй иргэнд төрөөс төлбөрийг нь шийдээд өгдөг байх ёстой.

Дахин нэг том төрийн алба байгуулж, нийгмийн бүх асуудлыг шийдэж болохгүй байх. Үүнд нийт хэдэн төгрөгийн зардал гарч байгаа вэ.

УИХ-ын гишүүн, хууль санаачлагч Б.Дэлгэрсайхан: Урьд нь улсын өмгөөлөгч гэж байсан. Огт байгаагүй зүйлийг оруулж ирээгүй. Өмнө нь зөвхөн төлбөрийн чадваргүй иргэнд хууль зүйн туслалцаа үзүүлдэг байсныг өргөтгөж хэргийн гэрч, хүүхэд, өөрийгөө хамгаалах чадваргүй хүн, гэр бүлийн хүчирхийллийн хохирогч, ажлаас халагдсан хүмүүс, өндөр настан, хөгжлийн бэрхшээлтэй иргэд, өрх толгойлсон хүмүүст өмгөөлөл үзүүлдэг болохоор заасан.

Хууль зүйн үндэсний хүрээлэн энэ үйл ажиллагааг явуулсаар ирсэн. Тэдний үйл ажиллагааг л өргөтгөж байгаа хэрэг.

Хууль зүйн туслалцаа шаардлагатай төлбөрийн чадваргүй иргэнд мөнгийг нь өглөө гэж бодоход идчихнэ. Зарим нь тэр мөнгөө олж авах арга замаа ч олохгүй хохирох тал бий.

Хууль зүй, дотоод хэргийн яамны Төрийн нарийн бичгийн дарга Б.Баасандорж: Хууль зүйн туслалцаа үзүүлэх үйлчилгээнд 2022 онд 1.3 тэрбум төгрөгөөр батлагдсан. Үүний 980 орчим сая нь цалин, нийгмийн даатгалын зардал, үлдсэн нь урсгал зардал байдаг.

Улсын өмгөөлөгчийн орон сууц, тээврийн зардалтай холбоотой заалтыг байнгын хорооны хуралдаанд саналын томъёоллоор оруулсан. Үүнийг тухайн орон нутаг санхүүжүүлж болно гэж заасан байгаа.

x