Барилга байгууламжийн эрчим хүчний хэрэглээний үр ашгийг тодорхойлдог болжээ
Барилгын салбар өсөн тэлэх хэрээр эрчим хүчний хэрэглээ нэмэгдэж, эрчим хүчний үйлдвэрлэл, дамжуулалтад ихээхэн нөлөөлж байна.
Монгол улсын нутаг дэвсгэрт шинээр төлөвлөх, өргөтгөх, шинэчлэх, сэргээн засварлах, ашиглагдаж буй барилга байгууламжийн эрчим хүчний хэрэглээг тооцон үр ашгийн үзүүлэлтээр ангилж гэрчилгээ олгож баталгаажуулна аж.
Барилгын эрчим хүчний хэрэгцээ, хэрэглээг тооцох, эрчим хүчний үр ашгийн аль ангилалд байгааг БНбД 25-01-20 Барилгын дулаан хамгаалалт нормын дагуу эрх бүхий барилгын эрчим хүчний аудитор, холбогдох сургалтад хамрагдаж мэргэжил дээшлүүлсэн халаалт, агаар сэлгэлт, хөргөлтийн зургийн инженер боловсруулж, зураг төслийн шатанд зургийн эксперт хянах аж.
Барилгын дулаан хамгаалалт нормд зааснаар заавал биелүүлэх шаардлага нь С түвшин бөгөөд ногоон байх ангилал нь эрчим хүчний хэмнэлттэй байгааг заах юм хэмээн Барилга, хот байгуулалтын яамнаас мэдээллээ.
