“Тэрбум мод” үндэсний хөдөлгөөнд 320 орчим байгууллага, аж ахуйн нэгж нэгджээ
2021 оны аравдугаар сарын 4-ний өдрөөс хойш иргэд, байгууллага, аж ахуйн нэгжүүд Хан-Уул дүүрэг дэх “Ногоон хэрэм” төгөл, “Баянгол агро парк” болон “Шинэ Налайх”, СХД дэх “Бумбатын рашаан” цэцэрлэгт хүрээлэнд мод тарьжээ. Дээрх газруудад хамгаалалтын хашаа барьж, усалгаа, арчилгаа, тордлогоог нь шийдсэн байна. Ингэснээр 320 орчим байгууллага, аж ахуйн нэгж нэгджээ.
Үндэсний хөдөлгөөний хүрээнд үрээр үржүүлсэн мод тариад байна.
- 2021-2024 он буюу бэлтгэл үе
- 2024-2026 он буюу эрчимжүүлэх
- 2027-2030 он буюу тогтвортой үргэлжлэх гэсэн гурван үе шаттайгара мод тарьж, ургуулах хөдөлгөөнийг өрнүүлэх юм.
Нийт нутаг дэвсгэрийн 77.8 хувь нь цөлжилт, газрын доройтолд өртсөн. Үндэсний хөдөлгөөний хүрээнд цөлжилт эрчимжсэн газар нутгийн дөрвөн хувийг ойжуулж, нийт газар нутгийн 7.9 хувь нь ойтой болно. Мөн хүлэмжийн хийн ялгарлыг 600 мянган тонноор бууруулах урьдчилсан тооцоолол хийгээд байна.
Эх сурвалж: Ерөнхийлөгчийн хэвлэлийн алба
