2021/06/19
Америк доллар
МОНГОЛ БАНК:
2,849.18₮
B30
УЛААНБААТАР
22°
|
B30
УЛААНБААТАР
25°
|
10°
B30
УЛААНБААТАР
26°
|
13°
19:00
S32
20°
20:00
S32
17°
21:00
S31
15°
22:00
S31
13°
23:00
S31
11°
00:00
S31
10°
01:00
S31
02:00
S31
03:00
S31
04:00
S31
05:00
S32
06:00
S32

"Нэр дэвшигч захиалгын цагтаа өөрийгөө сурталчлахын зэрэгцээ өрсөлдөгчөө сөргөөр мэдээлэх нь өмнөх сонгуультай харьцуулахад буурсан"

Т.Өлзийбаяр, iKon.mn
2021 оны 6 сарын 11
iKon.MN
Зураг
Гэрэл зургийг mpa.mn

Ерөнхийлөгчийн сонгуулийн үйл явцад хийсэн мониторингийн үр дүнг Шударга сонгуулийн төлөө иргэний нийгмийн хяналт сүлжээнээс танилцууллаа. 

"Сонгуулийн тухай хуулийн 41.6, 41.7, 41.10-д заасан хуулийн хязгаарлалтыг зөрчсөн 30 тохиолдол бүртгэгдсэн. Үүний 19 нь МАН-аас нэр дэвшигч У.Хүрэлсүхтэй, Ардчилсан намаас нэр дэвшигч С.Эрдэнэтэй холбоотой долоо, дөрөв нь Зөв хүн электорат эвслээс нэр дэвшигч Д.Энхбаттай холбоотой байна. 

Энэ жилийн сонгууль тайван өнгө аястай болсон. Мэдээллийн өнгө аясын хувьд 89 хувийг нь магтаж, сайшаасан мэдээлэл эзэлж байна. МҮОНТ гурван нэр дэвшигчдэд тэгш цагийг оногдуулах хуулийг биелүүлж чадсангүй.

Тухайлбал, МАН-аас нэр дэвшигч У.Хүрэлсүх уг телевизээр хамгийн өндөр хувьтай буюу 40 хувьтай гарсан бол, АН-аас нэр дэвшигч С.Эрдэнэ хамгийн бага буюу 29 хувь, Зөв хүн электорат эвслээс нэр дэвшигч Д.Энхбат 31 хувьтай гарсан байна. 

Уг нь цаг хуваарилалтынхувьд тэнцүү байх юм бол дунджаар 33 хувьтай гарах ёстой. Гэтэл эрх барих намын удирдлага  МҮОНТ-ээр дунджаас өндөр түвшинд гарсан. Арилжааны телевизүүдээр МАН-аас нэр дэвшигч У.Хүрэлсүх мөн л дангаараа 55 хувьтай гарлаа. 

Сонгогчдын боловсролд зориулсан контент 39 хувьд хүрч, өмнөх сонгуультай харьцуулахад зургаан хувиар өссөн. Нэр дэвшигч захиалгын цагтаа өөрийгөө сурталчлахын зэрэгцээ өрсөлдөгчөө сөргөөр мэдээлэх нь өмнөх сонгуультай харьцуулахад буурсан дүр зурагтай байна. 

Эцэст нь дүгнэж хэлэхэд, Сонгуулийн тухай хуулийг телевизүүд маш сайн баримталж ажиллалаа. Харин сонгуулийн тухай хуультай уялдаж гарсан, радио, телевизээр сонгуулийн сурталчилгаа явуулах журмын хэрэгжилт хангалтгүй байсан. Тухайн журам, хуультайгаа зөрчилдөх тохиолдол гарсан" гэдгийг Шударга сонгуулийн төлөө иргэний нийгмийн хяналт сүлжээнээс танилцуулав.

x