2021/07/25
Америк доллар
МОНГОЛ БАНК:
2,849.14₮
B30
УЛААНБААТАР
25°
|
15°
B30
УЛААНБААТАР
22°
|
14°
B30
УЛААНБААТАР
23°
|
13°
16:00
S26
21°
17:00
S26
20°
18:00
S26
20°
19:00
S26
20°
20:00
S26
19°
21:00
S26
18°
22:00
S26
17°
23:00
S26
16°
00:00
S26
16°
01:00
S26
16°
02:00
S26
15°
03:00
S26
15°
Энэ мэдээ хуучирсан буюу 2021/05/20 -нд нийтлэгдсэн мэдээ болно.

Хятадын засгийн газар анхааруулга гаргасны дараа биткоины ханш дахин уналаа

Р.Түвшин, iKon.mn
2021 оны 5 сарын 20
iKon.MN
Зураг

Лхагва гарагт Хятадын санхүүгийн зохицуулах байгууллага биткоинтой холбоотой анхааруулга гаргасны дараа дэлхийн хамгийн том криптовалютын үнэ дахин уналаа.

Өчигдөр биткоины ханш $30,000 орчимд хүрсэн нь дөрөвдүгээр сарын оргил үе болох $64,000-аас эрс буурсан үзүүлэлт болжээ.

Сүүлд ханш бага зэрэг өсөж, $38,000 орчимд хүрсэн байна.

Хятадын зохицуулах байгууллага тус улсын банк, санхүүгийн байгууллагууд криптовалютаар үйлчилгээ явуулах хориотой байгааг сануулаад криптовалютын арилжаанаас их хэмжээний алдагдал хүлээж болзошгүйг иргэдэд анхааруулжээ.

“Сүүлийн үед криптовалютын үнэ ханш огцом өгсөж, уруудаж байгаатай холбоотой арилжаагаар ашиг олох сонирхол дахин сэргэсэн нь ард иргэдийн өмч хөрөнгө, эдийн засаг, санхүүгийн хэвийн үйл ажиллагаанд ноцтой эрсдэл үүсгэж байна” гэж уг мэдэгдэлд өгүүлсэн байна.

Ганц Хятадын засгийн газар биш, бусад орнуудын банк санхүүгийн байгууллагууд ч энэ талаар анхааруулж эхэлжээ. Тухайлбал Bank of England-ийн ерөнхийлөгч Эндрью Бэйли саяхан криптовалют эзэмшиж байгаа хүмүүст бүх мөнгөө алдахад бэлэн байхыг анхааруулсан юм.

Европын Төв Банкнаас гаргасан мэдэгдэлд биткоины ханшийн өсөлтийн цаана хөөсрөлт байгааг анхааруулжээ.

Өнгөрсөн долоо хоногт Тесла компанийн гүйцэтгэх захирал Илон Маск биткоиныг автомашин худалдааны төлбөр тооцоонд ашиглахаа зогсоож байгааг зарласнаар уналт эхэлсэн юм. Тухайн үед биткоины ханш $57,000 орчимд хүрээд байжээ.

Саяхан тэр мөн биткоины технологийн хүчин чадалд эргэлзэж байгаагаа сошиал сүлжээнд илэрхийлсэн нь ханш дахин унахад нөлөөлж байв.

Дэлхийн улс орнууды засгийн газрын хяналт зохицуулалт, эрчим хүчний өндөр хэрэглээтэй холбоотой байгаль орчинд учруулах хор хөнөөл гэсэн асуудлууд криптовалютын үнэ ханшид цаашид нөлөөлөхөөр байна.

 

Эх сурвалж: The Guardian

 

x