2021/05/13
Америк доллар
МОНГОЛ БАНК:
2,849.81₮
B30
УЛААНБААТАР
15°
|
B30
УЛААНБААТАР
10°
|
-1°
B30
УЛААНБААТАР
17°
|
-2°
10:00
S26
11°
11:00
S30
13°
12:00
S30
14°
13:00
S30
14°
14:00
S26
15°
15:00
S26
15°
16:00
S26
14°
17:00
S26
13°
18:00
S26
12°
19:00
S26
11°
20:00
S26
10°
21:00
S29

ХЗБХ: Цэцийн дүгнэлтийг хүлээн авахаас татгалзжээ

А.Ням-Өлзий, iKon.mn
2021 оны 5 сарын 5
iKon.MN
Зураг

УИХ-ын Хууль зүйн байнгын хорооны өнөөдрийн хуралдаанаар Үндсэн хуулийн цэцийн 2021 оны 3 дугаар дүгнэлтийг хэлэлцэв. 

Монгол Улсын Ерөнхийлөгчийн хүсэлтийн дагуу үүсгэсэн Шүүхийн тухай хуулийн зарим зүйл, заалт нь Үндсэн хууль зөрчсөн эсэх маргааныг Үндсэн хуулийн цэц дөрөвдүгээр сарын 28-нд Дунд суудлын хуралдаанаараа хэлэлцсэн.

Үндсэн хуулийн цэцээс "Шүүгчийн хараат бус байх, шүүхийн бие даасан байдлыг хангах зорилго бүхий Шүүхийн ерөнхий зөвлөл болон шүүгчийн сахилга хариуцлагын асуудлыг хянан шийдвэрлэх чиг үүрэг бүхий Шүүхийн сахилгын хорооны бүрэлдэхүүнд хамаарах шүүгч бус гишүүнийг тус тус УИХ дангаар томилохоор Монгол Улсын шүүхийн тухай хуульд тусгасан нь Үндсэн хуулиар баталгаажсан төрийн эрх мэдэл хуваарилах зарчмыг алдагдуулах нөхцөлийг бүрдүүлж улмаар Үндсэн хуулийн холбогдох заалтыг зөрчсөн" хэмээн дүгнэсэн юм. Тиймээс Шүүхийн тухай хуулийн 76 дугаар зүйлийн 76.2, 77 дугаар зүйлийн 77.1-77.11 дэх хэсэг, 95 дугаар зүйлийн 95.4, 95.5, 95.7 дахь хэсгийг тус тус түдгэлзүүлэх нь зүйтэй гэж үзжээ. 

Харин Хууль зүйн байнгын хорооны хуралдаанаар цэцийн уг дүгнэлтийг хүлээн авах боломжгүй гэж үзсэн байна. 

Үндсэн хуулийн цэцийн дүгнэлтийг УИХ хүлээн авах эсэхийг чуулганы нэгдсэн хуралдаанаар эцэслэн шийднэ. 

Байнгын хорооны уг шийдвэрийг УИХ хэвээр үлдээсэн тохиолдолд Үндсэн хуулийн цэцийн Их суудлын хуралдаанаар өмнөх дүгнэлтээ авч хэлэлцэх юм. 

x