2021/08/06
Америк доллар
МОНГОЛ БАНК:
2,848.77₮
B30
УЛААНБААТАР
28°
|
13°
B30
УЛААНБААТАР
23°
|
15°
B30
УЛААНБААТАР
21°
|
12°
05:00
S31
10°
06:00
S32
10°
07:00
S32
11°
08:00
S32
14°
09:00
S30
17°
10:00
S30
20°
11:00
S32
22°
12:00
S32
24°
13:00
S30
26°
14:00
S30
27°
15:00
S30
27°
16:00
S30
27°
Энэ мэдээ хуучирсан буюу 2021/04/23 -нд нийтлэгдсэн мэдээ болно.

Ж.Амгалан: Хязгаарлагдаагүй байгууллагуудын үйл ажиллагаанд дахин зохицуулалт хийж, хөл хориог илүү чангатгана

Б.Билгүүн, iKon.mn
2021 оны 4 сарын 23
iKon.MN
Зураг
Гэрэл зургийг mpa.mn

Хатуу хөл хориог дахин чангатгах асуудлаар Улсын Онцгой Комиссын нарийн бичгийн дарга Ж.Амгалан мэдээлэл өглөө. 

Тэрбээр "Монгол Улс дэлхийн жишгийн дагуу "ногоон", "шар", "улбар шар", "улаан" түвшинд шилжин ажиллаж байгаа. Энэ удаа "улаан" түвшинд шилжсэн. Үүнтэй холбогдуулан Засгийн газрын тогтоолоор батлагдсан журмын хавсралтад "улаан" түвшингийн үед хязгаарлахгүй үйл ажиллагаа явуулдаг олон байгууллага дурдагдсан. Гэхдээ үүнийг дагаад машин болон явганы хөдөлгөөн их байгаа тул дахин зохицуулалт хийх шаардлага үүссэн.

Иргэд өмнөх хатуу хөл хорионы түвшин шиг энэ удаагийнхыг төсөөлж байсан байх. Гэтэл өмнөх шиг түвшинд хүрэхгүй байгаа болохоор халдварын хумилт шаардлагатай хэмжээнд хүрэхгүй байгаа юм. 

Иймд холбогдох судалгааг дахин хийж, "улаан" түвшингийн үед хязгаарлагдаагүй байгууллагуудын үйл ажиллагаанд дахин зохицуулалт хийхээр шийдвэрлэсэн. Өөрөөр хэлбэл, цаашид хөл хориог нэлээд хатуу болгож, тодорхой зохицуулалт хийнэ.

Цар тахлын үед тангараг өргөсөн төрийн албан хаагчид үүргээ гүйцэтгэж байгаа. Мөрдөгддөг цагийн хуваарийн дагуу ажиллаж байгаа ба цагдаагийн байгууллагынхан гурван ээлжээр явж байгаа байх. Мөн төрийн албан хаагчдыг татаж оролцуулах ажил зохион байгуулагдахгүй. Энэ талаарх асуудал өнөөдрийн Засгийн газрын хуралдаанд танилцуулагдсан" гэв. 

Шадар сайд С.Амарсайхан "Хатуу хөл хорионы дэглэм, хэрэгжилт, хяналтыг чангатгана. Төрийн албан хаагчид ялангуяа эрүүл мэндийн салбарынхан 24 цаг ээлжээр ажиллаж байна. Хүн хүч үнэхээр дутагдаж байгаа ч бүх хүч нөөцөө дайчлан ажиллаж байгаа юм. 

Цагдаа, эмч, гааль гэх мэт салбарын ачаалалтай ажиллаж байгаа хүмүүсийн хоол хүнс, унааны зардлыг яам, агентлагийн удирдлагууд төсвийн зохицуулалтдаа оруулж шийдвэрлэхийг чиглэл болгосон. Илүү цагийн мөнгийг нь тухайн яам агентлаг нь олгох ёстой. Зарим газарт олгогдож, заримд нь олгогдохгүй байгаа учраас холбогдох албан даалгаврууд өгөгдөж байгаа" хэмээн тайлбарлалаа.

Бичлэг: 

https://www.facebook.com/iKonNews/videos/797589877548449
x