С.Амарсайхан: Коронавирусийн мутацид орсон төрөл манай улсад Туркээс зөөвөрлөгдөн ирсэн
Засгийн газрын өнөөдрийн ээлжит бус хуралдаанаар хатуу хөл хориог 14 хоног сунгах шийдвэр гаргасан.
Энэ талаар Улсын Онцгой комиссоос дэлгэрэнгүй мэдээлэл хүргэж байна.
ШУУД ҮЗЭХ:
Шадар сайд С.Амарсайхан "Хөл хориог сунгаж байгааг мэдэгдэж байна. Цар тахалтай тэмцэн, голомтод ажиллаж буй алба хаагчдадаа Засгийн газрын нэрийн өмнөөс болон хувиасаа чин сэтгэлийн талархлаа илэрхийлж байна. Хөл хориог тавдугаар сарын 8-ны 06:00 цаг хүртэл үргэлжлүүлэхээр болсон. Учир нь халдвар нэмэгдсээр байна.
Түүнээс гадна коронавирусийн мутацид орсон төрөл Турк улсаас манай улсад зөөвөрлөгдсөн орж ирсэн нь лабораторийн шинжилгээгээр бүртгэгдсэн. Үүнийг Английн мутацид орсон хувилбар гэж таамаглаж байна" хэмээв.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!
