2021/06/19
Америк доллар
МОНГОЛ БАНК:
2,849.18₮
B30
УЛААНБААТАР
22°
|
B30
УЛААНБААТАР
24°
|
10°
B30
УЛААНБААТАР
26°
|
13°
02:00
S31
03:00
S31
04:00
S31
05:00
S30
06:00
S30
07:00
S30
08:00
S32
11°
09:00
S30
13°
10:00
S30
15°
11:00
S30
17°
12:00
S30
18°
13:00
S32
19°

"Монгол Улс Ази, Европыг холбосон хуурай замын тээвэр, логистикийн гарцыг хөгжүүлэхэд Бүс ба Зам санаачилгын хамтын ажиллагаа чухал"

ikon.mn
2021 оны 4 сарын 21
iKon.MN
Зураг
Эх сурвалж: ГХЯ

Дөрөвдүгээр сарын 18-21-ний өдөр Азийн төлөөх Боаогийн чуулга уулзалтын 20 жилийн ойн уулзалт болж байна. Энэ хүрээнд зохион байгуулсан “Бүс ба Зам санаачилга: Цаг үеийг сөрж хөгжих нь” сэдэвт хэлэлцүүлэгт Гадаад харилцааны Дэд сайд Б.Мөнхжин оролцов.

Хэлэлцүүлэгт Европын комиссын Ерөнхийлөгч асан Романо Проди, Евразийн эдийн засгийн комиссын Худалдааны сайд Андрей Слепнев, Хятадын үндэсний нефть, хийн корпорацийн гүйцэтгэх захирал Дай Хоулин, Словени Улсын Ерөнхийлөгч асан, Мадрид клубын Ерөнхийлөгч Данило Тюрк зэрэг улс төр, бизнесийн нэр хүндтэй төлөөлөгчид мөн оролцож, Бүс ба Зам санаачилга ба засаглалын асуудал, санаачилгийн үр нөлөөг хэрхэн үнэлэх болон цар тахалтай тэмцэх, эдийн засгийг сэргээн идэвхжүүлэхэд Бүс ба Зам санаачилгын гүйцэтгэх үүргийн талаар хэлэлцүүлэг өрнүүллээ.

Дэд сайд Б.Мөнхжин Монгол Улс Ази, Европыг холбосон хуурай замын тээвэр, логистикийн гол гарц болох нөөц боломжийг хөгжүүлэхэд Бүс ба Зам санаачилгын хамтын ажиллагаа чухал ач холбогдолтой гэж үздэгийг онцолж, энэ хүрээнд “Монгол-Орос-Хятадын Эдийн засгийн коридор байгуулах хөтөлбөр” мөн Монгол Улсын Засгийн газрын “Талын зам” хөтөлбөрийг хэрэгжүүлэхэд хөрш улс орнууд, оролцогч талуудтай хамтран ажиллахын төлөө байгааг илэрхийлэв. ​

Дэд сайд Бүс ба Зам санаачилгын хүрээнд хэрэгжүүлж байгаа Цахим Торгоны зам, Ногоон Торгоны зам, мөн Эрүүл мэндийн Торгоны зам зэрэг санал санаачилгын ач холбогдлыг үнэлж байгааг тэмдэглэлээ.

 

Эх сурвалж: ГХЯ

x