2021/06/22
Америк доллар
МОНГОЛ БАНК:
2,849.15₮
B30
УЛААНБААТАР
21°
|
15°
B30
УЛААНБААТАР
25°
|
12°
B30
УЛААНБААТАР
26°
|
16°
22:00
S29
14°
23:00
S29
13°
00:00
S29
12°
01:00
S29
12°
02:00
S29
11°
03:00
S29
10°
04:00
S29
10°
05:00
S30
06:00
S30
10°
07:00
S30
12°
08:00
S30
14°
09:00
S32
16°
Энэ мэдээ хуучирсан буюу 2021/04/01 -нд нийтлэгдсэн мэдээ болно.

Ц.Оюундарь: АН-аас Ерөнхийлөгчийн сонгуульд нэр дэвшигчдийн сунгааг дөрөвдүгээр сарын 30-нд зарлана

Б.Бадамгарав, IKon.mn
2021 оны 4 сарын 1
iKon.MN
Зураг
Гэрэл зургийг MPA.mn

Ардчилсан намын даргаар сонгогдсон М.Тулгат болон тус намын дэд дарга Ц.Оюундарь нар өнөөдөр мэдээлэл хийлээ.

Ардчилсан намын даргаар сонгогдсон М.Тулгат "Ардчилсан намын дүрэмд төрийн сонгуулиар хариуцлага хүлээж, намын дарга огцорч, аль нэг дэд даргадаа тамгаа түр хадгалуулна хэмээсэн байдаг. Үүний дагуу С.Эрдэнэ дарга тамгаа дэд дарга Ц.Туваанд шилжүүлсэн. Мөн наймдугаар сарын 23-нд намын даргын сунгааг зарласан. Мөн Дотоод сонгуулийн хорооноос намын даргын сунгааг эхлүүлсэн байв. Тамга хүлээн авсан Ц.Туваан бүх товлосон зүйлийг хойшлуулж, цуцалж, өөрийнхөөрөө шийдсэн юм. Энэ үед албан ёсны бүртгэлтэй намын даргын хувьд өөр эрх ашиг үйлчилж байна гэж үзэн нөхцөл байдлыг хүлээж авахгүй гэсэн. 

Намын сунгаа ямар нэг зөрчилгүй явагдаж дууслаа. Процессын дагуу Үндэсний бодлогын хороонд өнөөдөр энэ асуудлыг оруулж, ҮБХ-оор товлох Их хурлаараа намын шинэ даргыг ёсчлон батламжлах юм. Ийнхүү батламжилснаа Дээд шүүхэд бүртгүүлнэ. Процессын дагуу явагдсан учир Дээд шүүх бүртгэхгүй гэх үндэслэл байхгүй. Ямар ч эргэлзээ байхгүй гэсэн үг" гэв.

Ардчилсан намын дэд дарга Ц.Оюундарь "Дөрөвдүгээр сарын 30-наас тавдугаар сарын 2-ны хооронд сонгуульд оролцох нам нэр дэвшигчээ тодруулж, зарлах үүрэгтэй. Түүнээс наана нэр дэвшигчийн тухай албан ёсны байр сууриа илэрхийлэх нь хуулиар хориотой. Ардчилсан нам нэр дэвшихийг хүсэж буйгаа илэрхийлсэн нэр дэвшигчдийн дунд сунгааг дөрөвдүгээр сарын 30-нд зарлана. Гурван хоногт цахимаар сунгааг хийж, гарч ирсэн хүнийг Ерөнхийлөгчийн сонгуульд оролцох хэмээн зарлана. Хувь хүмүүс сунгаанд оролцохоо илэрхийлж болно, харин намаас албан ёсны байр суурь илэрхийлэхгүй. 

Хуулийн хугацаанд багтан нэр дэвшигчээ тодруулах, тэрхүү нэр дэвшигч нь намын дүрмийн дагуу тодорсон байх гэсэн хоёр хайчин дунд бид нэр дэвшигчээ тодруулах ёстой. Цахим сонгууль нь Ерөнхийлөгчийн сонгуульд нэр дэвшигчээ гаргахад томоохон түлхэц болсон" гэлээ.

x