Монголын Үндэсний Олимпын Хорооны бүх гишүүдийн хурал гуравдугаар сарын 31-ний Лхагва гарагт цахимаар зохион байгуулагдлаа.
Цахимд хуралд МҮОХ-ны Ерөнхийлөгч Н.Түвшинбаяр, дэд ерөнхийлөгч Ч.Наранбаатар, ерөнхий нарийн бичгийн дарга Э.Бадар-Ууган нар 2021 оны үйл ажиллагааны төлөвлөгөө, төсөв батлах тухай илтгэлийг бүх гишүүнд танилцуулж, оролцогчид санал бодлоо солилцоцгоосон юм.
Түүнчлэн энэ хурлаар зарим Спорт Холбоодоос МҮОХ-нд ирүүлсэн албан хүсэлтийн дагуу ажил төрлийн шаардлагаар нэр бүхий гишүүдийг шинээр сонгох тухай асуудлыг хэлэлцэж шийдвэрлэлээ.
МҮОХ-ны гишүүнээр батлуулах тухай Дүрмийн 6, 7 дугаар зүйлийг үндэслэн , Монголын Хүндийг өргөлт , Волейбол , Бокс ,Жүдо, Бадминтон, Чөлөөт бөхийн холбоод, Булган аймгийн “Москва”, Хан-Уул дүүргийн “Калгари”, Орхон аймгийн “Атланта" Олимпынн зөвлөлөөс тус тус ирүүлсэн албан хүсэлтийг хэлэлцэн, Гишүүдийн хурлаас доорх нэр бүхий 11 хүнийг шинээр баталлаа.
МҮОХ нь өдгөө нийт 75 спортын холбооны 179 гишүүнийг эгнээндээ нэгтгэсэн бөгөөд өчигдөр 103 гишүүн цахим хуралд оролцсон байна.
Эх сурвалж: МҮОХ