Иргэд, гадаадын зочид төлөөлөгчдийг УИХ-ын үйл ажиллагаа болон Төрийн ордонтой танилцуулахдаа хэрхэн нэвтрүүлдэг вэ
УИХ-ын чуулганы үйл ажиллагаа болон Төрийн ордонтой иргэд, зочид төлөөлөгчдийг танилцуулах журмыг хүргэж байна.
Уг журамд:
2.1. Иргэд, олон нийтийн төлөөлөл, дотоод, гадаадын зочид төлөөлөгчдийг зохион байгуулалттайгаар УИХ-ын үйл ажиллагаа, Төрийн ордонтой танилцуулах хүсэлтийг Хэвлэл мэдээлэл, олон нийттэй харилцах хэлтэст хоёроос доошгүй хоногийн өмнө албан бичгээр ирүүлнэ. Зайлшгүй шаардлагатай нэн яаралтай тохиолдолд Төрийн ордонтой танилцуулах ажлыг зохион байгуулж болно.
2.2. Насанд хүрээгүй хүүхэд, сурагчид (иргэний үнэмлэх аваагүй)-ыг зөвхөн Төрийн түүхийн музейтэй танилцуулна.
2.3. УИХ-ын чуулганы үйл ажиллагаа, Төрийн ордонтой иргэд хамт олныг танилцуулах тухай хүсэлтийг Хэвлэл мэдээлэл, олон нийттэй харилцах хэлтэст хүлээн авч, тус хэлтсийн холбогдох ажилтан хариуцаж ажиллана.
2.5. УИХ-ын чуулганы үйл ажиллагаатай Пүрэв, Баасан гарагт, Төрийн ордонтой Даваа гараг болон амралт, баяр ёслолын өдрүүдээс бусад өдөр танилцуулах бөгөөд үдээс өмнө 09:20-12:40 цагт, үдээс хойш 14:00-16:40 цагийн хооронд зохион байгуулна гэж тусгажээ.
ЖУРАМ
Эх сурвалж: УИХ-ын Хэвлэл мэдээлэл, олон нийттэй харилцах хэлтэс
