ФОТО: Гурав дахь удаа хатуу хөл хорионд шилжсэн Улаанбаатар хот
Нийслэл Улаанбаатар хотод гурав дахь удаагаа Бүх нийтийн бэлэн байдлын зэрэг буюу хатуу хөл хорионы дэглэмд өнөөдрөөс шилжээд байна.
Ийнхүү иргэд хоёрдугаар сарын 23-ны 06:00 цаг хүртэл хатуу хөл хорионы дэглэмийг ёсчлон баримтлах шаардлагатай болж байгаа юм.
Коронавируст халдвартай тэмцэх, урьдчилан сэргийлэх арга хэмжээг улсын хэмжээнд хэрэгжүүлэхээр томилгоот бүрэлдэхүүнээс гадна 3,000 орчим алба хаагч 24 цагаар үүрэг гүйцэтгэн ажиллаж байна.
Иргэдийн хувьд гэрийнхээ хамгийн ойр байрлах хүнсний дэлгүүрээс хэрэгцээт зүйлсээ авах, эмнэлгийн яаралтай тусламж авах, эмийн сан орох, зөөврийн ус, түлш авах болон коронавирусийн халдвар илрүүлэх шинжилгээ өгөхөөс бусад тохиолдолд гэрээсээ гарах боломжгүй юм.
Хөл хорионы өдрүүдэд хийгдэх ажлын тухайд:
- Нийслэлд өргөтгөсөн хүрээний тандалт хийх зорилгоор Нэг өрх-Нэг шинжилгээ, Нэг хаалга-Нэг шинжилгээг зохион байгуулна.
- Үйл ажиллагаа нь хязгаарлагдаагүй байгууллагын ажилтнуудын 15 хүртэл хувь нь хувийн машинтайгаа ажилдаа ирж, очиж болно.
- Төр захиргааны байгууллагын ажилтнууд тусгай үйлчилгээний автобусаар зорчино. Иргэд зорчихгүй.
- Яаралтай эмнэлгийн тусламж авах гэж байгаа болон гачигдал гарсан иргэдийг хувийн машинтайгаа зорчихыг зөвшөөрнө.
- 1800-1200 дугаарт 24 цагийн турш CallCenter ажиллаж, нийт найман сувгаар иргэдэд шаардлагатай мэдээллийг өгнө.
- ТҮК болон орон сууц, нийтийн үйлчилгээний газрын ажилчид шинийн 2-нийг хүртэл байгууллага дээрээ 72 цагаар ажиллана.
- Хүндэтгэн үзэх шалтгаанаар хувийн машинтайгаа зорчиж буй иргэдийн хөдөлгөөнийг теле камераар хянана.
Гэрэл зургийг MPA.mn
