Монгпен төслийг хэрэгжүүлсэн нэг жилийн хугацаанд СХД-т тархины харвалтын шалтгаант нас баралт 1.4 дахин буурчээ
Улс орон маань Коронавируст халдварын улмаас бүх нийтийн бэлэн байдлын зэрэгт шилжсэн байгаа хэдий ч зүрх судасны өвчлөл, цаг бусын нас баралтаас сэргийлэх “МонгПЕН: ХБӨ/Зүрх судасны өвчнөөс сэргийлэх, хянах нэн шаардлагатай тусламж, үйлчилгээний багцыг нэвтрүүлсэн загвар төслийн үр дүнг танилцуулах цахим хурал”-ыг амжилттай зохион байгууллаа.
Тус хуралд Эрүүл мэндийн Сайд Т.Мөнхсайхан, ЭМЯ-ны Нийтийн эрүүл мэндийн тусламжийн бодлого, хэрэгжилтийг зохицуулах газар, хэлтсийн дарга нар, холбогдох мэргэжилтнүүд, Эрүүл мэндийн даатгалын ерөнхий газрын дарга Л.Бямбасүрэн, НЭМҮТ-ийн Ерөнхий захирал Д.Нарантуяа, ДЭМБ-ын Суурин төлөөлөгч Сергей Диордица, 21 аймгийн ЭМГ-ын дарга нар, халдварт бус өвчний асуудал хариуцсан мэргэжилтнүүд, эрүүл мэндийн анхан шатны тусламж, үйлчилгээний төлөөллүүд болох нийт 80 байгууллагын 100 гаруй эмч, мэргэжилтнүүд оролцлоо.
Цаашид МонгПЕН төслийг ДЭМБ-ын дэмжлэгтэйгээр Эрүүл мэндийн яам тогтвортой үргэлжлүүлэх, өргөжүүлэх үйл ажиллагааг аймаг, нийслэлийн анхан шатны эрүүл мэндийн төвүүдэд үе шаттайгаар нэвтрүүлэхээр төлөвлөж байна.
Эх сурвалж: ЭМЯ
