Л.Мөнхтүшиг: ӨМӨЗО болон манай улсад дотоодын халдвар гарсантай холбоотойгоор ачаа тээврийн эргэлт огцом буурсан
ГХЯ-ны Консулын газрын захирал Л.Мөнхтүшиг ЭМЯ-ны ээлжит хэвлэлийн хуралд оролцож БНХАУ-тай хиллэдэг боомтуудын нөхцөл байдлын талаар мэдээлэл өглөө.
Тэрбээр ӨМӨЗО-нд ОХУ-аас очсон ачаа тээврийн жолоочоор дамжин халдвар гарсантай холбоотойгоор боомтуудад халдвар хамгааллын дэглэмийг сайжруулж байна. Үүнтэй холбоотойгоор холимог гэр бүлүүдийг хил гаргах асуудал удааширч байгаа. ГХЯ энэ асуудлаар БНХАУ-ын Элчин сайдын яамтай хамтран ажиллаж байна.
ӨМӨЗО болон манай улсад дотоодын халдвар гарсантай холбоотойгоор ачаа тээврийн эргэлт огцом буурсан. Тиймээс энэ асуудал дээр ГХЯ онцгой анхаарч, ачаа тээврийн эргэлтийг нэмэгдүүлэхээр ажиллаж байна. Гашуунсухайт, Шивээхүрэн боомтод консулын ажилтан томилогдон ажиллаж яриа хэлэлцээг тогтмол хийж байгаа" хэмээв.
ВИДЕО:
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!
