Халдварын тохиолдлын ойрын хавьтал 1,186 хүнээс 652 хүнийг гэрийн ажиглалтад гаргажээ
Коронавируст халдварын үед илэрч буй шинж тэмдгүүдийн талаар ХӨСҮТ-ийн Тандалт, судалгааны албаны дарга А.Амбасэлмаа мэдээлэв.
Тэрбээр "Халдварын тохиолдлын ойрын хавьтал 1,186 хүнээс 652 хүний ажиглалт тандалтын хугацаа нь дуусаж, гэрийн ажиглалтад гарсан. Үлдсэн 534 хүнээс хоёр дахь давтан шинжилгээнүүдээ хийлгэсэн 400 гаруй хүн байна.
Короновируст халдварын үед халуурах, нусгайрах, хуурай ханиалгах, толгой өвдөх зэрэг эмнэл зүйн шинж тэмдгүүд илэрч буй. Одоо амьсгалын замын халдварт өвчин болох томуу, томуу төст өвчний улирал эхэлсэн учраас шинж тэмдэг андуурагдах явдал гарч магадгүй.
Иймд ханиад, томуугийн улирлын энэ үед амьсгалын замын халдварын ямар нэг шинж тэмдэг илэрвэл өөрийн харьяа эрүүл мэндийн төв, Өрхийн эрүүл мэндийн төвдөө хандаж, шинжилгээ хийлгэхэд анхаарах хэрэгтэй.
Мөн өнөөдрөөс үйл ажиллагаагаа явуулж буй зарим аж ахуйн нэгж ажилчдадаа эрүүл мэндийн тандалт хийж, ямар нэгэн шинж тэмдэг илэрсэн хүнийг гэрт нь буцаах, ХӨСҮТ-д мэдээлэхийг зөвлөж байна.
Хавьтлын тандалтын үйл ажиллагаа үргэлжлэн хийгдэж байгаа тул иргэд амны хаалт зүүж, хүн хоорондын зайг барих тал дээр онцгой анхаарч, хамтран ажиллахыг хүсье" гэв.
ВИДЕО:
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!
