Махатма Гандийн хөшөөний дэргэд
09:00 цагаас БНЭУ-аас Монгол Улсад суугаа Элчин сайдын яамны удирдлагууд Махатма Гандийн хөшөөнд цэцэг өргөнө.
“Blue Sky” зочид буудалд
09:00 цагаас “Ногоон технологи-2020” өдөрлөгийн нээлт болно.
Засгийн газрын XI байранд
10:00 цагаас Сонгуулийн ерөнхий хороо, хөгжлийн бэрхшээлтэй иргэдийн холбоод, залуучуудын "УБ паспорт", "Мину хота", "Өглөө" кампанит ажлын зохион байгуулагчид орон нутгийн сонгуулийн бэлтгэл ажлын талаар мэдээлэл хийнэ.
НМХГ-т
10:00 цагаас мэргэжлийн хяналтын байгууллагаас согтууруулах ундаагаар үйлчилдэг баар, цэнгээний газруудын короновируст халдвараас сэргийлэх ажилд хийсэн шалгалтын дүнгээ танилцуулна.
“Пума Империал” зочид буудалд
10:30 цагаас Хэвлэл мэдээллийн зөвлөлөөс “Цар тахлын үеийн редакцын бодлого ба өөрийн зохицуулалт” уулзалт, хэлэлцүүлэг болно.
ЭМЯ-нд
11:00 цагт ЭМЯ-наас коронавирусний нөхцөл байдлын талаар цахимаар мэдээлэл хийнэ.
Ерөнхий боловсролын 93 дугаар сургуулийн байранд
11:00 цагт тус сургуулийн амт олон “Хүн бай” нөлөөллийн аянд нэгдэж, багш нарын баярыг тэмдэглэх төсвөө "Ид шидийн орон"-д хандивлах талаар мэдээлэл хийнэ.
“Монгол ньюс” мэдээллийн төвд
11:00 цагт ахмад төмөр замчид Монгол Улсын төмөр замын бүтээн байгуулалтын ажлуудын талаар мэдээлэл хийнэ.
Төрийн ордонд
11:30 цагт Харилцаа холбоо, мэдээллийн технологийн газраас төрийн цахим үйлчилгээний нэгдсэн систем E-Mongolia-г танилцуулна.
Төв шуудангийн байранд
11:45 цагт “Монгол Шуудан” ХК-ийн шинээр нэвтрүүлсэн Олон улсын мөнгөн гуйвуулгын үйлчилгээний нээлт болно.
ХӨСҮТ-д
12:00 цагт Тайванийн төлөөлөгчийн газар хандив гардуулна.
Монголын уран зургийн галерейд
12:40 цагаас Ардчилсан хувьсгалын мэдээллийг Ройтерс агентлагаар дамжуулан дэлхий нийтэд мэдээлж байсан сэтгүүлч Иръяа Халашийн гэрэл зургийн үзэсгэлэнгийн нээлт болно.
Хууль зүйн үндэсний хүрээлэнд
14:00 цагаас Нээлттэй Нийгэм Форум, Монголын хуульчдын холбооноос “Нийтийн ашиг сонирхлыг хамгаалахтай холбоотой захиргааны хэрэг шүүхэд хэрэг хянан шийдвэрлэх ажиллагаа: Шүүхийн практик” судалгааны тайланг танилцуулна.
ГХЯ-нд
17:30 цагт Махатма Гандийн мэндэлсний 150 жилийн ойд зориулсан дурсгалын зоосны нээлт болно.