• 4 сарын 27, Бямба
|
|
Уншиж байна ...
ХУУЧИРСАН МЭДЭЭ: 2020/08/13-НД НИЙТЛЭГДСЭН

ХӨСҮТ-д КОВИД-19-ийн сэжигтэй тохиолдлыг тусгаарлах өрөөг 126-аар нэмэгдүүлнэ

Г.Мөрөн, iKon.mn
2020 оны 8 сарын 13
iKon.MN
Зураг зураг
Гэрэл зургийн эх сурвалж: ЭМЯ

Дэлхий нийтийг цочроож байгаа КОВИД-19 халдварт өвчлөлийн хоёр дахь давлагаа эхлэх магадлал өндөр байгаа энэ үед Эрүүл мэндийн дэд сайд Ш.Анхмаа холбогдох албаны хүмүүсийн хамт өчигдөр ХӨСҮТ-д ажиллалаа.  

Энэхүү ажлын хүрээнд ХӨСҮТ-ийн барилгын засварын ажлыг хурдасгах, КОВИД-19 халдварын сэжигтэй тохиолдлыг тусгаарлах орны тоог нэмэгдүүлэх, шинээр нэмэгдэж буй тусгаарлах өрөө бүрт ариун цэврийн өрөө гаргах, агааржуулалтын системийг бүрэн ажиллуулах болон эмнэлгийн ажилтан, албан хаагчдын сахилга хариуцлагыг чангатгах талаар үүрэг, чиглэл өглөө.  

 
Гэрэл зургийн эх сурвалж: ЭМЯ
ХӨСҮТ-ийн Элэгний клиникийн засвар дууссанаар КОВИД-19 халдварын сэжигтэй тохиолдлыг тусгаарлах өрөө 60-аар нэмэгдэнэ. Түүнчлэн тус төвийн лабораториудыг шинэ барилгад төвлөрүүлснээр тусгаарлах өрөө 66-аар нэмэгдэнэ.

Иймд ХӨСҮТ-ийн лабораторийн барилгын ажлыг эрчимжүүлэхийн тулд шаардлагатай нэмэлт хөрөнгийг энэ оны төсвийн тодотголд тусгуулснаар ирэх аравдугаар сард тус барилга ашиглалтад орох юм.  

 

 

Эх сурвалж: ЭМЯ