2020/09/26
Америк доллар
МОНГОЛ БАНК:
2,853.64₮
B30
УЛААНБААТАР
12°
|
B30
УЛААНБААТАР
11°
|
B30
УЛААНБААТАР
10°
|
11:00
S32
12:00
S32
10°
13:00
S32
11°
14:00
S32
11°
15:00
S32
11°
16:00
S32
11°
17:00
S32
10°
18:00
S32
19:00
S31
20:00
S31
21:00
S31
22:00
S31

Нийслэлд энэ онд барихаар төлөвлөсөн боловсролын 105 байгууллагын барилгын гүйцэтгэл 53 хувьтай байна

Г.Мөрөн, iKon.mn
2020 оны 8 сарын 7
iKon.MN
Зураг
Гэрэл зургийг Нийслэлийн ЗДТГ-ын Хэвлэл мэдээлэлтэй харилцах хэлтсээс авав

Нийслэлийн Засаг даргын зөвлөлийн хуралдаан өнөөдөр боллоо.

Хуралдааны эхэнд 2020-2021 оны хичээлийн шинэ жилийн бэлтгэл ажлын талаар нийслэлийн Боловсролын газрын дарга Ж.Гантулга мэдээлэл хийв.

Тэрбээр “Боловсрол шинжлэх, ухааны яамнаас ирүүлсэн үүрэг чиглэлийн дагуу олон улсын туршлага, өөрийн орны онцлогт нөхцөл байдлыг харгалзан бүх шатны танхимын сургалтыг нэг ангид хичээллэх суралцагчийн тоог 20-оос хэтрэхгүй байхаар тооцож эхлүүлэхээр боллоо.

Энэ жил нэгдүгээр ангид элсэн суралцах хүүхдүүдийг нийслэлийн хэмжээнд цахимаар давхар бүртгэж байгаа бөгөөд одоогоор нийт бүртгүүлсэн хүүхдүүдийн гуравны нэг буюу 10 мянга гаруй хүүхэд цахимаар бүртгүүлээд байна. Цахим бүртгэлийг ажлын өдрүүдэд 08:30-17:30 цагийн хооронд elselt@edu.mn, parent.edu.mn хаягаар хийж байгаа юм.

Цэцэрлэг, ерөнхий боловсролын сургуулийн хичээлийг 2020 оны есдүгээр сарын 1-ний өдрөөс эхэлнэ.

Танхимын сургалт зохион байгуулахад халдвар, хамгааллын дэглэм баримтлах, хичээлийн тоо, хичээллэх өдөр, нэг бүлэгт ногдох хүүхдийн тоог тус тус бууруулахаар шийдвэрлэсний дагуу холбогдох зохицуулалтыг хийж байна. Улсын хэмжээнд хоёр настай хүүхдийг гэр бүлийн орчинд асран хамгаалах, хөгжүүлэх арга хэмжээ авахаар зохицуулалт хийсэн.

Цэцэрлэгийн хүчин чадлаас хамаарч 3-4 настай хүүхдийн тодорхой хувийг элсүүлэх, 5 настай хүүхдийг сургуулийн өмнөх боловсролын хамран сургалтад 100 хувь хамруулах, цэцэрлэгт хамрагдаж чадаагүй хүүхдүүдэд теле хичээл зохион байгуулж ажиллахаар төлөвлөж байна. Цэцэрлэгийн элсэлтийг цахим хэлбэрээр гурван жил амжилттай зохион байгуулсан. Энэ жил үүссэн нөхцөл байдалтай холбоотойгоор уламжлалт аргаар зохион байгуулахаар болсон” гэв.

Их засвар, дулаан техникийн шинэчлэлийн ажлыг хичээлийн шинэ жил эхлэхээс өмнө дуусгахыг үүрэг болголоо

Мөн 2020-2021 оны хичээлийн жилийн эхний сард өмнөх ангид судалсан байвал зохих агуулгыг бататгах арга зүйн зөвлөмж болон өнгөрсөн хичээлийн жилийн 50 шахам хувьд сургалтыг цахимаар явуулсантай холбогдуулан агуулгын алдагдлыг нөхөх хөтөлбөрийг Боловсролын хүрээлэн боловсруулж, ерөнхий боловсролын сургуулиудад хүргүүлэхээр бэлтгэлээ хангаж байгаа аж. Өмнөх жилүүдийн адил бага ангийн сурагчид 100 хувь үнэ төлбөргүй сурах бичиг ашиглана.

Улс, нийслэл, дүүргийн төсөв, гадаадын зээл, тусламжийн хөрөнгөөр 2020 онд нийслэл хотод 35 сургууль, 60 цэцэрлэг, дөрвөн бага сургууль, цэцэрлэгийн цогцолбор, таван спорт заал, насан туршийн боловсролын нэг төв, нийт 105 боловсролын байгууллагын барилга баригдахаар төлөвлөгдсөн. Хөрөнгө оруулалтын ажлууд 53 хувийн гүйцэтгэлтэй байна.

Зөвлөлийн гишүүд уг асуудлыг хэлэлцэн, хичээлийн шинэ жилийн бэлтгэл ажил хангахтай холбоотой асуудлуудад тодорхой саналуудаа хэлэв.

2020-2021 оны хичээлийн шинэ жилийн бэлтгэл ажлын хүрээнд энэ жил ашиглалтад орох сургууль, цэцэрлэгийн барилгын ажлын гүйцэтгэлд анхаарч ажиллах, их засвар, дулаан техникийн шинэчлэлийн ажлыг хичээлийн шинэ жил эхлэхээс өмнө дуусгах, нэгдүгээр ангид элсэгчдийн элсэлтийг батлагдсан хамран сургах тойргийн дагуу зохион байгуулах үүргийг холбогдох албаны хүмүүст Хотын Захирагчийн үүрэг гүйцэтгэгч Ж.Батбаясгалан тэмдэглэлээр үүрэг болголоо.

ВИДЕО 2:

https://www.facebook.com/Officialnews.UB/videos/2656528591278924/

Нийслэлд энэ онд хувийн хэвшлийн 124 сургууль үйл ажиллагаагаа явуулах аж. Тухайн сургуулийн элсэлтэд ямар нэг уралдаант шалгалт явуулахгүй.

ВИДЕО 1:

https://www.facebook.com/Officialnews.UB/videos/753296558779828/

Нийслэлийн ерөнхий боловсролын сургуулийн нэгдүгээр ангид элсэн суралцахаар 10,000 гаруй хүүхэд бүртгүүлжээ. Энэ нь бүртгүүлбэл зохих хүүхдийн 1/3 нь гэдгийг нийслэлийн Боловсролын газрын дарга Ж.Гантулга танилцуулав. 

x