2020/08/08
Америк доллар
МОНГОЛ БАНК:
2,846.32₮
B30
УЛААНБААТАР
22°
|
12°
B30
УЛААНБААТАР
18°
|
10°
B30
УЛААНБААТАР
21°
|
10°
20:00
S32
15°
21:00
S29
13°
22:00
S29
12°
23:00
S29
11°
00:00
S29
10°
01:00
S29
10°
02:00
S29
10°
03:00
S29
04:00
S29
05:00
S29
06:00
S30
07:00
S30

Рио Тинто: Оюутолгойгоос үйлдвэрлэх зэсийн хэмжээ буурч, зардал өснө

Б.Дэлгэр, iKon.mn
2020 оны 7 сарын 3
iKon.MN
Зураг

Оюутолгой(ОТ)-н далд уурхайн хөрсний бүтцийн өөрчлөлтөөс үүдэн уурхайг олборлох загвараа өөрчлөхөөс аргагүй болсон талаар өнгөрсөн онд Рио Тинто(РТ) мэдэгдэж байсан. Тэгвэл Рио Тинтогийн өнөөдөр гаргасан мэдэгдлээр далд уурхайн үйлдвэрлэл эхлэх хугацаа хойшилж, зардал илүү өсөх нь шинэчилсэн ТЭЗҮ-ээр тодорхой болж байгааг анхааруулсныг Ройтерс нийтэлжээ.  

Рио Тинтогийн зэсийн хамгийн ирээдүйтэй том төсөл болох Оюу толгой геологийн хувьд томоохон сорилттой нүүр тулаад байгааг онцолсон байна. Өнгөрсөн оны долдугаар сард РТ-ийн мэдэгдэж байснаар ийнхүү уурхайг олборлох загварчлалд өөрчлөлт орсноор 2016 онд 6.5 тэрбум ам.доллароор тооцогдож байсан далд уурхайн нийт хөрөнгө оруулалтын зардал 7.2 тэрбум болж, 1.9 тэрбум ам.доллароор нэмэгдэхээр байгааг мэдэгдэж байсан.  

Түүнээс гадна далд уурхайн үйлдвэрлэл эхлэх хугацаа 2022 оны аравдугаар сараас 2023 оны зургаадугаар сар болж хойшилж байгаа нь анх төлөвлөсөн хугацаанаас 21-29 сараар хоцорч байгаа гэсэн үг юм.

Ийнхүү далд уурхайн бүтээн байгуулалтын зураг төсөл өөрчлөгдсөнөөр Рио Тинтогийн нийт үйлдвэрлэх зэсийн биет хэмжээ 11%-аар буурна хэмээн Citi-ийн шинжээчид дүгнээд хэдийгээр Рио Тинто ОТ төсөлд хөрөнгө оруулалтын маш олон боломж олгосон ч бодит байдал дээр уг төсөл РТ-ийн үнэлгээг 3%-аар л өсгөсөн хэмээн Ройтерсын мэдээнд дурджээ. 

Citi-ийн шинжээчид РТ-ийн хувьцааны ханш 96 долларт байна гэж таамагласан. Одоогийн байдлаар ханш нь 96.44 ам.доллар байгаа нь зах зээлийн нийт хэмжээнээс доогуур үнэлгээнд тооцогдож буй юм. 

ОТ компани ТЭЗҮ-ээ шинэчилж дууссан бөгөөд Засгийн газарт танилцуулах шатандаа явж байгаа юм байна. Уул уурхайн компаниуд таван жил тутам ТЭЗҮ-ээ шинэчлах шаардлагатай тухай Монгол Улсын хууль журмын дагуу ийнхүү ТЭЗҮ-ээ шинэчилсэн гэдгийг РТ мэдэгдэлдээ тодотгожээ. 

 

Эх сурвалж: Reuters, Rio Tinto

x