Нүүрсний салбар сэргэнэ, тэр үед бид бэлэн байх ёстой
Нүүрс бол Монгол улсын хамгийн чухал стратегийн нөөц юм. Монгол улс бүхэлдээ түүхий нүүрс экспортолж амьдарч байгаатай хэн ч маргахгүй. Өмнөговь аймгийн Гурван Тэс суманд үйл ажиллагаа явуулдаг “Баялаг Энержи Ресурс” ХХК нь 2014 оноос нүүрс олборлолт, экспортын чиглэлээр үйл ажиллагаагаа явуулсаар ирсэн. Хэдийгээр нүүрсний экспортын гарц буурсан ч ирээдүйд үйл ажиллагаа эрчимжүүлнэ гэсэн өөдрөг тэмүүлэл, бүтээмжээ нэмэгдүүлэх зорилго, байгаль орчинд учруулах нөлөөллөө багасгах шалтгаануудаар 4 шинэ Cat брэндийн тоног төхөөрөмжөөр техникийн бааз сууриа бэхжүүлж авлаа.
“Баялаг Энержи Ресурс” ХХК нь Монгол инженерийн ёс зүй, туршлага, ур чадварыг Дэлхийн жишиг технологитой хослуулан, байгалийн баялгийг зөв зохистой, хариуцлагатайгаар олборлон боловсруулж, Монгол улсынхаа хөгжил дэвшилд бодьтой хувь нэмэр оруулдаг үндэсний тэргүүлэгч компани юм.
Хариуцлагатай, ёс зүйтэй уул уурхайг бий болгохоор хичээнгүйлэн ажиллаж буй “Баялаг Энержи Ресурс” ХХК-ийн хамт олон өдгөө 500 хол давжээ. Давхардсан тоогоор нийт 1000 гаруй залуусыг ажлын байраар хангасан байна.
Хүрэн Шандын нүүрсний уурхайн төсөл дээр ажиллаж буй тэдний эрхэм зорилго нь Монгол улсын хууль дүрэм, журмын хүрээнд эдийн засгийн хувьд үр ашигтай, байгал орчинд ээлтэйгээр олборлолтын үйл ажиллагаа явуулж, улс орон нутгийн эдийн засгийн өсөлтөнд бодитой хувь нэмэр оруулан, хөдөлмөр хамгаалал аюулгүй ажиллагааны дүрэм журмыг чанд баримтлан, орон нутгийн ард иргэдийг ажлын байраар хангаж, байгал орчны нөхөн сэргээлтийг бүрэн хийж, тогтвортой үйл ажиллагаа явуулан, ажилчдынхаа эрүүл, аюулгүй, сэтгэл ханамжтай ажиллах нөхцлийг хангахад оршиж байгаа юм.
Тиймээс ч дэлхийн жишиг болсон уурхайн яах аргагүй нэн тэргүүний сонголт - туршлага, бүтээмж, нэр хүндийн баталгаа болсон Катерпиллар корпорацийн техник, технологийн төгс хослол болсон хүний төлөө бүтээгдсэн Cat 390F L экскаваторууд болон CAT 16M автогрейдерүүдээр техникийн баазаа улам бэхжүүлсэн юм. Энэхүү экскаваторуудыг 2020 оны 07 сарын 01-ний өдөр “Вагнер Ази Тоног Төхөөрөмж” ХХК-ний төлөөлөгчид уурхайн ажлын талбарт очин, түлхүүр гардуулах ёслол үйлдэн, хүлээлгэн өглөө.
“Баялаг Энержи Ресурс” ХХК нь 2019 оны намар 100 тонны даац бүхий 4 ширхэг Cat 777E автосамосвалийг худалдан авсан. Үүний дараагаар хийж буй хамгийн том тоног төхөөрөмжийн шинэчлэлт бол өнөөдрийн үйл явдал байлаа. Cat 390F L экскаватор бол 5,7 м3 шанаганы багтаамжтай, 543 морины хүчтэй, 92 тонны ажлын жинтэй хүчирхэг, түлш зарцуулалт бага, цикл хугацаа хурдан бүтээмжтэй экскаватор юм. Харин Cat 16M3 автогрейдер нь 3-р үеийн шинэчлэгдсэн загвар бөгөөд Монгол Улсад уул уурхайн салбарт ашиглагдаж байгаа хамгийн том автогрейдерт тооцогдоно. “Баярлаг Энержи Ресурс” ХХК-ний “Хүрэн Шандын” уурхайн төслийн талбайн нэг онцлог нь ажилчдын ажиллах орчин, эрүүл ахуй, аюулгүйн байдлыг хангасан кемптай ба уурхайн зам овоолго, уурхайн төлөвлөвт, байгаль орчинд ээлтэй, аюулгүйн ажиллагааны горимыг бүрэн хангаж ажилладаг уурхай байлаа.
Түлхүүр гардуулах ёслолд “Баялаг Энержи Ресурс” ХХК компаний уурхайн дарга М.Эрдэнэбаяр, “Вагнер Ази Тоног Төхөөрөмж” ХХК-ийн “Худалдаа, түрээсийн газар”-ын худалдааны төлөөлөгч Ц.Баяраа, уурхайн ажилчид оролцлоо.
Харилцагч таны ажил үйлс амжилт, бүтээлээр дүүрэн байхыг ерөөе!
