Эрүүл мэндийн яамны хэвлэлийн хурлын үеэр ЭМЯ-ны Гадаад харилцаа, хамтын ажиллагааны хэлтсийн дарга Б.Янжмаа ДЭМБ-аас хийж буй эмнэл зүйн туршилтын талаар мэдээлэв.
Тэрбээр хэлэхдээ “ДЭМБ болон түншлэгч байгууллагууд хамтран эв нэгдлийн туршилт хэмээх дэлхийн олон улс, орныг хамруулсан олон улсын эмнэл зүйн туршилтыг эхлүүлээд байгаа юм.
Энэ туршилтын гол зорилго нь COVID-19 халдварын эсрэг үр дүнтэй эмчилгээг олоход туслах явдал бөгөөд одоогоор дэлхийн 100 гаруй улс, орон туршилтад хамрагдах хүсэлтээ илэрхийлээд байгаа аж.
Тэдгээрээс халдвар ихээр тархсан 30 гаруй улс, орны 400 гаруй эмнэлэг туршилтад идэвхтэй оролцож буй юм.
Уг туршилтаар:
Дээрх эмүүдийг вирусийн өвчлөлийг удаашруулах эсвэл нас баралтыг бууруулах эсэхийг илрүүлэх зорилготой судалж байгаа юм.
Тэгвэл ДЭМБ-аас өчигдөр хийсэн ээлжит хэвлэлийн хурлын үеэр хумхаагийн эсрэг эмчилгээний эмүүд болох Hydroxychloroquine, Chloroquine эмийн туршилтыг түр зогсоох болсон талаар мэдээлжээ.
Учир нь уг эмийг COVID-19 халдвараар өвчилсөн өвчтөнд хэрэглэхэд нас баралтын эрсдлийг нэмэгдүүлдэг байж болзошгүй гэх судалгааны үр дүнг өнгөрсөн долоо хоногийн Баасан гарагт нэгэн сэтгүүлд нийтэлсэн байна.
Үүнтэй холбоотойгоор дээрх хоёр эмийн туршилтыг зогсоон, хөндлөнгийн экспертүүдээр тухайн эмүүдийн аюулгүй байдлыг дахин судлуулж, дүгнэлт гаргуулах шаардлагатай хэмээн мэдээлжээ" гэв.
Видео: