2020/05/30
Америк доллар
МОНГОЛ БАНК:
2,805.97₮
B30
УЛААНБААТАР
19°
|
B30
УЛААНБААТАР
18°
|
B30
УЛААНБААТАР
12°
|
01:00
S31
02:00
S31
03:00
S31
04:00
S31
05:00
S29
06:00
S30
07:00
S30
08:00
S30
09:00
S30
10:00
S30
10°
11:00
S30
12°
12:00
S30
14°
Энэ мэдээ хуучирсан буюу 2020/03/29 -нд нийтлэгдсэн мэдээ болно.

Өмнөд Африкт дэлгүүрийн худалдан авагчдыг тараахын тулд зэвсэг хэрэглэжээ

Р.Төмөр, ikon.mn
2020 оны 3 сарын 29
iKon.MN
Зураг

Коронавирусийн тархалтыг сааруулах зорилгоор Өмнөд Африкийн Бүгд Найрамдах Улс 21 хоногийн хөл хорионы дэглэмийг Баасан гарагаас эхлэн хэрэгжүүлээд байгаа.

Өчигдөр Йоханнесбург хотын супермаркетын гадна хоол хүнс нөөцлөхөөр олон зуун хүн цугларч, хөл хорионы дэглэмийг ноцтой зөрчжээ.

Худалдан авагчдыг тараахын тулд цагдаа нар резинэн сумаар гал нээхэд хүрсэн байна. Өмнөх өдөр нь хөл хорионы дэглэм зөрчсөн 55 хүнийг баривчилсан тухай Өмнөд Африкийн эрх баригчид мэдээлжээ.

Өмнөд Африкт өнөөдрийн байдлаар коронавирусийн 1,100 гаруй халдварын тохиолдол бүртгэгдэж, нэг өвчтөн нас бараад байгаа нь Африк тивдээ хамгийн өндөр үзүүлэлт юм. Сүүлийн өдрүүдэд халдварын тохиолдол эрчимтэй өсөж эхэлсэн тул ерөнхийлөгч Сирил Рамафоза хөл хорионы дэглэм тогтоох зарлиг гаргажээ.

Тив даяар Covid-19 халдварын нийт 3,924 тохиолдол бүртгэгдсэн тухай Африкийн Холбооноос мэдээлсэн байна. Гэхдээ энэ нь бодит байдлаас нэлээд зөрүүтэй тоо гэж мэргэжилтнүүд үзэж байгаа. Ихэнх улсад эрүүл мэндийн систем сул хөгжсөн, оношлуурын хүрэлцээ муу байгаа тул үүнээс илүү олон хүн халдвар авсан байх магадлал өндөр гэнэ.

Өнөөдөр Африкийн ихэнх улс орон сургуулиудаа хааж, үзвэр үйлчилгээ, шашны үйл ажиллагааг хориглоод байна.

Хамгийн сүүлд Зимбабве улс бүх хил, боомтоо хаах шийдвэр гаргасан нь Даваа гарагаас эхлэн хэрэгжих юм. 

Африкийн орнуудын засгийн газрууд коронавирусийн тахалтай тэмцэхдээ хүч хэрэглэхээс буцахгүй байна. Өнгөрсөн долоо хоногт Кени улсын цагдаа нар Момбаса хотын боомтод цугларсан иргэдийг тараахын тулд нулимс асгаруулагч хий хэрэглэжээ.

Кени улсад коронавирусийн халдварын 38 тохиолдол бүртгэгдээд байгаа юм.

 

Эх сурвалж: The Guardian

 




2020 оны УИХ-ын сонгуультай холбоотой нэгдсэн мэдээ, мэдээллийг та манай “Сонгууль 2020” хуудаснаас аваарай!

x