2020/06/05
Америк доллар
МОНГОЛ БАНК:
2,809.64₮
B30
УЛААНБААТАР
26°
|
11°
B30
УЛААНБААТАР
27°
|
14°
B30
УЛААНБААТАР
17°
|
03:00
S29
04:00
S29
05:00
S31
06:00
S32
07:00
S30
10°
08:00
S30
13°
09:00
S30
15°
10:00
S30
17°
11:00
S26
19°
12:00
S26
21°
13:00
S26
23°
14:00
S26
24°
Энэ мэдээ хуучирсан буюу 2020/03/27 -нд нийтлэгдсэн мэдээ болно.

Коронавирусийн тахлын улмаас АНУ-д 3.3 сая хүн ажилгүйчүүдийн эгнээнд шилжсэн нь түүхэн дээд үзүүлэлт боллоо

Э.Сэмүүн, ikon.mn
2020 оны 3 сарын 27
iKon.MN
Зураг

Өнгөрсөн долоо хоногт АНУ даяар 3.3 сая хүн ажилгүйдлийн тэтгэмж авах хүсэлт гаргасан нь коронавирусийн тахлын улмаас тус улсын эдийн засаг хүнд цохилт амсаж буйн илрэл боллоо.

Өмнөх долоо хоногт нь ердөө 281,000 хүн ийм хүсэлт гаргаж байсныг АНУ-ын хөдөлмөрийн яамны тоо баримт харуулж байна.

Уг тоо нь түүхэн дээд үзүүлэлт бөгөөд өмнөх хамгийн дээд үзүүлэлт нь 1982 оны аравдугаар сарын эхний долоо хоногт 695,000 хүн ажилгүйдлийн тэтгэмж хүссэн тохиолдол гэнэ.

АНУ-ын 21 мужийн иргэд коронавирусийн тахлын улмаас хөл хорионы дэглэмд шилжиж, эдийн засгийн идэвх саараад байгаа. Тахлын сөрөг нөлөө дөнгөж эхэлж байгаа нь энэ бөгөөд цаашид улам хүндэрнэ гэдгийг судлаачид анхааруулж байна.

Дональд Трампын засаг захиргаа коронавирусийн тахлын эдийн засагт үзүүлэх сөрөг нөлөөг бууруулах зорилготой $2.2 их наядын хөтөлбөр санаачилж, өчигдөр Сенатын танхимаар батлуулаад байгаа. Өнөөдөр Конгрессийн доод танхимаар дэмжигдвэл уг хөтөлбөр хэрэгжих боломжтой болно.

Гэсэн хэдий ч их мөнгөөр ажилгүйдлийг шийдэхгүй гэж олон хүн үзэж байна. “Өнөөдөр зарласан тоо баримт нь АНУ ажилгүйдлийн гүн хямралтай тулгараад байгааг баталж байна. Энэ бол 1930-аад оны Их Хямралаас хойш тохиолдоогүй үзэгдэл. Америкийн түүхэнд хөдөлмөрийн зах зээлийн хамгийн муу өдөр өнөөдөр болж байна” гэж Century Foundation тинктанк байгууллагын ахлах судлаач Эндрью Стеттнер мэдэгджээ.

Өчигдөр бас илэрсэн нийт халдварын тоогоор АНУ Хятадыг гүйцэж, дэлхийд тэргүүлэх болсон муу мэдээ тарсан юм.

Холбооны Нөөцийн Банкны Сэнт Луйс дахь салбарын ерөнхийлөгч Жэймс Буллард энэ оны хоёрдугаар улиралд ажилгүйдэл 30 хувьд хүрнэ гэж тооцоолсон байна. Морган Стэнли банкны шинжээчид энэ тоог 12.8 хувьтай байна гэж таамаглажээ.

 

Эх сурвалж: Reuters

 




2020 оны УИХ-ын сонгуультай холбоотой нэгдсэн мэдээ, мэдээллийг та манай “Сонгууль 2020” хуудаснаас аваарай!

ikon.mn сайтын Редакцын бодлогын 6.1; 6.2; 6.3 –т дурдсан үндэслэлээр сэтгэгдэл бичих талбарыг хаасан болно.
x