Б.Дагва: 8000₮-ийн карт аваад 3 сая төгрөгний утастай болчихлоо
Юнителийн “Дөрвөн хүчтэн” картын 8000₮-ийн картаар дансаа цэнэглэсэн хүмүүс гар утасны эзэд болсоор байна. 2-р сарын 7 болон 2-р сарын 14-ний өдөр тодруулсан шууд Live-аар 2 ширхэг IPhone 11, 12 ширхэг Samsung Galaxy A50 гар утасны эзэд тодрон шагналаа аваад байна.
Уншигч та ч мөн 2-р сарын 29 хүртэл Дөрвөн хүчтэн 8000₮-ийн картаар дансаа цэнэглэх бүртээ хамгийн сүүлийн үеийн ухаалаг гар утаснуудын эзэн болох урамшуулалд оролцох эрхтэй болох юм. Гар утасны эздийг 7 хоног бүр Unitel фейсбүүк хуудсаар Live хийн тодруулах бөгөөд одоо 2 ширхэг IPhone 11, 12 ширхэг Samsung Galaxy A50 гар утас эздээ хүлээж байна.
Корона вирусийн халдвараас улс орон даяараа урьдчилан сэргийлж байгаа энэ үед уншигч та Дөрвөн хүчтэн 8000₮-ийн цэнэглэгч картыг ЭНД даран онлайнаар худалдан авах боломжтой байгаа шүү. Сүүлийн үед 8000₮-ийн онлайн худалдан авалтын тоо эрс нэмэгдсэн бөгөөд энэ нь вирусын халдвараас урьдчилан сэргийлж буй сайшаалтай хэрэг юм.
Ингээд гар утасны эздийн сэтгэгдлийг хүргэж байна.
Iphone 11 гар утасны эзэн болсон Б.Дагва:
Би энэ дугаарыг 13 жилийн өмнө авч байсан юм. Энэ дугаар миний нэр дээр байдаг ч охин маань барьдаг байсан юм. Одоо охин маань Турк улсад байгаа. Намайг гар утас хожсон тухай Юнителээс залгаж хэлсэн л дээ. Iphone 11 гар утасны эзэн боллоо гээд ярихад нь маш их баярласан. Итгэж чадаагүй. Манай 3 хүүхэд, эхнэр маань гээд бид гэр бүлээрээ Юнителийн хэрэглэгчид. Юнителийн үйлчилгээ, урамшуулалд сэтгэл хангалуун байдаг учраас гэр бүлээрээ сонгож хэрэглэдэг дээ. Би буйдан засдаг хувийн бизнес эрхэлдэг л дээ. Хэдэн жилийн өмнө 100 айл дээр зохион байгуулагдсан нэг өдөрлөгөөс гар утас хожиж байсан. Тэр утас маань тухайн үеийн ханшаараа 450-иад мянган төгрөгний утас байсан. Гэтэл өнөөдөр 8000₮-ийн картаар дансаа цэнэглээд 3 сая гаран төгрөгний үнэтэй гар утастай болчихлоо шүү дээ. Маш их талархаж хүлээн авч байна. Цаашид ч Юнителийн хэрэглэгч байсаар байх болно гэдгээ энэ дашрамд хэлмээр байна.
Samsung Galaxy A50 гар утасны эзэн болсон О.Гэрэлт-Од:
Гар утасны эзэн болсон тухай хүү маань залгаж хэлсэн. Хүү маань энэ дугаарыг барьдаг юм. Анх Юнител үүсгэн байгуулагдсан тэр үеэс хойш энэ дугаараа ашиглаж байна даа. Өөрөө дараа төлбөрт дугаар аваад хүүдээ энэ дугаараа өгсөн нь өнөөдөр ийм их аз завшаан дагууллаа. Хүүгээ залгаад гар утас хожсон байна гээд ярихад нь эхлээд итгээгүй л дээ. Бүүр дараа нь л итгэсэн. Мэдээж маш их баярласан. Юнителийг манай үндэсний компани гэдгийг нь сонсоод үндэснийхээ зүйлийг дэмжинэ гэдэг утгаараа анх сонгож хэрэглэж эхэлсэн. Одоо манай гэр бүлийнхэн бүгд Юнителийн дугаартай. Гэр бүлээрээ нэг оператор байгууллагын хэрэглэгч байх нь өөрөө их амар байдаг юм.
