Олон нийтийн сүлжээгээр түгж байгаа дуут мессеж худал болохыг анхаарна уу!

Хөвсгөл аймагт нөхцөл байдал хүндэрсэн, хүнсээ базаагаарай, энэ тухай баттай хүн хэллээ гэх утгатай мэдээлэл олон нийтийн сүлжээгээр тараад байна.

Энэхүү мэдээлэл худал болохыг Эрүүл мэнд яам батлав.

ЭМЯ:

"Нийгмийн сүлжээ болон хувийн чатаар ирж байгаа дуут мессеж мэдээлэл нь худал, ташаа мэдээлэл юм. 2020 оны 2 дугаар сарын 12-ний байдлаар Шинэ коронавирусийн/СOVID-19/ халдвар манай улсад бүртгэгдээгүй. 

Зохион байгуулалтайгаар худал ташаа мэдээлэл тарааж, нийгмийг айдаст автуулах, эмх замбараагүй байдал бий болгохыг хүсч буй нийгмийн сүлжээний хэрэглэгчийг хуулийн байгууллагад хандан шалгуулж, хариуцлага тооцно.

Албан ёсны үнэн бодит мэдээллийг өдөр бүр Эрүүл мэндийн яамнаас 11 цагаас улс даяар шууд мэдээлэл өгч байгаа.

Иймд эх сурвалжаа нягтлаагүй мэдээллийг цааш нь түгээж, дамжуулахгүй байх нь таныг хууль бус үйлдлээс хамгаалах болохыг анхааруулья!" гэжээ