С.Эрдэнэ: Улаанбаатарт УИХ-ын 35 мандат ногдох ёстой ч одоо 28 байна
УИХ-ын сонгуулийн тухай хуулиар хоёрдугаар сарын 1-нээс өмнө сонгуулийн тойргийг тогтох ёстой.
Өнөөдрийн нөхцөлд буюу 2016 оны сонгуулиар тойргийн хуваарилалт хүн амын тоо болоод сонгогчдын тооны хувьд харьцангуй зөрүүтэй байгааг бид мэдээлсэн. Эрх баригч МАН-ын хувьд энэ жилийн сонгуулиар тойрог хуваахдаа зарим нэг тойрог бүхий аймгийг хоёр болгох нэрээр хөдөө, орон нутагт ногдох мандатыг нэмэх гэж байна гэсэн мэдээлэл яваад байгаа юм.
Гэтэл нийт хүн амын албан бүртгэлээр 46%, албан бусаар бараг 60 орчим хувь нь амьдардаг Улаанбаатарын оршин суугчдын нэг сонгогчид ногдох саналын жин маш бага байгааг бид мэдээлсэн.
Энэ асуудлаар АН-ын дарга С.Эрдэнэ УИХ-ын дарга Г.Занданшатарт хандсан байна.
Тэрбээр "Нийт хүн амын 46 хувь нь амьдардаг нийслэл Улаанбаатар хотод 35 мандат ногдохоор байна. Хэрэв нэг мандаттай аймгуудад мандат нэмж олгох зорилт байгаа бол цөөн хүн амтай аймгаас эхлэн аймгууд дотроо шилжүүлэх замаар шийдэх нь шударга ёсонд нийцнэ" гэжээ.
С.Эрдэнийн илгээсэн албан бичиг:
График 1, 2016 оны УИХ-ын сонгуулийн тойрог тус бүрийн сонгогчдын тоог эрэмбэлэн үзүүлэв
2016 онд сонгогч бүрийн төлөөллийг хамгийн муу буюу УИХ-д нэг хүнд ногдох төлөөллийн жингээрээ хамгийн бага байгаа тойргоос эхлэн дор жагсаалаа.
Нэг саналын жингээрээ УИХ-д төлөөлөл хамгийн бага байгаа 15 тойрогт гэхэд 13 нь нийслэлийн дүүргүүд байгааг та бүхэн дор үзүүлсэн графикаас харж болно.
