2020/04/08
Америк доллар
МОНГОЛ БАНК:
2,781.09₮
B30
УЛААНБААТАР
11°
|
-2°
B30
УЛААНБААТАР
12°
|
-2°
B30
УЛААНБААТАР
14°
|
-1°
17:00
S26
11°
18:00
S26
10°
19:00
S26
20:00
S29
21:00
S29
22:00
S29
23:00
S31
00:00
S31
01:00
S31
02:00
S29
03:00
S31
04:00
S31
-1°
Энэ мэдээ хуучирсан буюу 2020/01/18 -нд нийтлэгдсэн мэдээ болно.

Дэлхийн хамгийн намхан эрэгтэй 27 насандаа таалал төгсжээ

Э.Сэмүүн, ikon.mn
2020 оны 1 сарын 18
iKon.MN

Өөрөө алхаж явж чаддаг дэлхийн хамгийн намхан эрэгтэй гэсэн нэрээр Гиннесийн дээд амжилтын номонд бүртгэгдсэн Балбын иргэн нас барсан тухай гэр бүлийнхэн нь өчигдөр мэдэгджээ.

Хагендра Тапа Магар нь ердөө 67.08 см өндөр биетэй байсан юм. Тэрээр уушгины архаг хатгалгааны улмаас Балбын нийслэлээс 200 км зайтай оршдог Покара хотын эмнэлэгт нас барсан байна.

Магар энэ хотод эцэг, эхийн хамт амьдардаг байсан юм.

Тэрээр анх 2010 онд 18 настайдаа дэлхийн хамгийн намхан эрэгтэй хүн болж Гиннесийн дээд амжилтын номонд бүртгэгджээ. Дараа нь тэр 54.6 см өндөр, нутаг нэгт Чандра Бахадур Дангид өргөмжлөлөө алдсан юм.

Гэвч Данги 2015 онд нас барснаар хамгийн намхан эрэгтэйн өргөмжлөлөө буцааж авч байжээ.

Алдартай болсныхоо дараа Магар дэлхийн арав гаруй орноор аялж, Европ, АНУ-ын телевизээр гарч байсан юм.

 

Тэрээр Балба улсын аялал жуулчлалын салбарын албан ёсны нүүр царай болж, дэлхийн хамгийн өндөр уултай оронд дэлхийн хамгийн намхан хүн байдаг хэмээн сурталчлуулж байв.

Магар бас дэлхийн хамгийн намхан эмэгтэй болох 62.8 см өндөр Энэтхэгийн иргэн Жоти Амгетай уулзаж байжээ.

Одоо өөрөө явах чадалтай дэлхийн хамгийн намхан эрэгтэйн алдар Колумбын иргэн 70.21 см өндөр, рэгги хөгжмийн DJ хийдэг Эдвард Эрнандезд шилжиж байна.

Харин өөрөө явах чадваргүй хамгийн намхан эрэгтэй Филиппиний иргэн 59.93 см өндөр Жунри Балавин болохыг Гиннесийн номонд мэдээлжээ.

 

Эх сурвалж: AFP

 

x