“Нийслэлийн орон сууцны корпорац” ХК-иас газрыг орон сууцаар солих зарчмаар хэрэгжүүлэх орон сууцжуулах төслийг танилцуулан өнөөдөр мэдээлэл хийлээ.
Ингэснээр тухайн байршилд дахин орон сууцны төсөл хөтөлбөрүүдийг богино хугацаанд хэрэгжүүлэх боломж бүрдэнэ хэмээн үзэж байгаа ажээ.
Энэ талаар “Нийслэлийн орон сууцны корпорац” ХК-ийн захирал Б.Сүхбаатар "Хамгийн багадаа 4 га талбарт газар чөлөөлөлт хийнэ. Учир нь тухайн талбарт орон сууцны хорооллоос гадна сургууль, цэцэрлэг, зам, зогсоолтой хотхон байх ёстой гэж үзэж байгаа.
Газрыг орон сууцаар солих байршилд эхний ээлжинд Улаанбаатар хотын зургаан дэд төвийг хамруулаад, нэмээд 19 байршлыг оруулсан.
4 га газар дунджаар 90-100 иргэний өмч хэлбэртэй байгаа.
4 га газар дунджаар 90-100 иргэний өмч хэлбэртэй байгаа. Эдгээр иргэд нэгдээд газраа орон сууцаар сольё гэсэн хүсэлт гаргасныг үндэслэн төслийг хэрэгжүүлнэ. Ингэхдээ нэг иргэний газар 40 сая төгрөгөөр үнэлэгдсэн ч 70 сая төгрөгийн орон сууц авах хүсэлтэй байгаа бол үлдэгдэл 30 сая төгрөгийг таван жилийн хугацаанд 8 хүртэлх хувийн хүүтэйгээр төлөх нөхцөлтэйгээр төсөлд хамруулах боломжтой. Нөгөө талаас газар орж буй орон сууцны үнээс давсан тохиолдол бас гарч болно. Энэ тохиолдолд мөн иргэнтэй гэрээ хийгээд 1-2 жилийн хугацаанд зөрүүг төлөхөөр төлөвлөж байгаа.
Нийт 24 байршилд 1,216 га газрын 20,477 нэгж талбар буюу 20,477 хашаа байгаа. Эдгээрээс хамгийн түрүүнд санаа нэгдсэн байршилд үнэлгээ хийгээд эхэлнэ. Газраа чөлөөлсөн иргэдийн хувьд шууд Буянт-Ухаа II хороололд байрлах бэлэн байранд орж болно. Өнөөдрийн байдлаар 390 айлын орон сууц бэлэн байгаа. Цаашид газар чөлөөлөөд орон сууц баригдаад явна. Гэр хорооллын дахин төлөвлөлтийн төсөлд иргэд итгэл алдарсан байгаа учраас газраа чөлөөлсөн тохиолдолд шууд бэлэн байранд ороод явах зарчим баримтална" хэмээн ярилаа.
Байршил тус бүрээс хамаараад зарим тохиолдолд 70 иргэний эзэмшлийн газар 4 га болж байгаа бол 150 иргэний эзэмшил 4 га хүрэх нөхцөл ч мөн байгаа ажээ.
Газрыг орон сууцаар солих байршлууд:
Видео: