Ерөнхийлөгч Х.Баттулгын нэр хүндэд халдсан гэж иргэн Ц.Уянгыг хоёр сая төгрөгөөр торгохоор болсныг иргэд эсэргүүцэж эхлэв

Б.Ану

2019 оны 7 сарын 26

iKon.MN

Твиттерт олон мянган дагагчтай, идэвхтэй жиргээч Ц.Уянгыг өөрийн жиргээнүүдээрээ Ерөнхийлөгч Х.Баттулгын нэр хүндэд халдаж байна гэж Ерөнхийлөгчийн Тамгын Газар үзжээ.

Улмаар Ерөнхийлөгчийн Тамгын Газрын дэд дарга Г.Байгалмаа Цагдаагийн Ерөнхий Газарт Ц.Уянгын зарим үзэл бодол нь Ерөнхийлөгчийн нэр төрд халдаж байгаа асуудлыг шалгах хүсэлтийг гаргасан байна.

Үүний дагуу ЦЕГ-ын шалгалт явуулж Ц.Уянгын зарим үзэл бодлууд ерөнхийлөгчийн нэр хүндэд халдаж байна гэж тогтоож түүнийг зөрчлийн хуулийн дагуу хоёр сая төгрөгөөр торгох шийдвэр, мөн твиттер хаягийг нь хаах арга хэмжээ авах тухайгаа ЦЕГ мэдэгджээ.

Энэ асуудлаас үүдэн Ц.Уянгыг хамгаалах байр сууриуд олон нийтийн сүлжээнд идэвхжээд байна.

Твиттер дэх байр сууриуд:

Өнөөдөр нэг ийм юм авчаад сууж бна. Би өөрөө мэдээгүй бхад надад хэрэг нээгээд, бүүр надгүйгээр мөрдөн шалгах ажиллагаа явуулаад, прокурор нь хянаад, надгүйгээр шийтгэлээ оногдуулцын гэнээ. Тэгээд ээжид аваачаад өгцөн бгаам. Хоригч нь хэн юм, яаж хохирцым бүү бэд pic.twitter.com/gU4DNfK9RZ
— Uyanga Tsoggerel (@Uyanga_ts) July 24, 2019

Өө заза! Ингэдэг хууль эрх зүйн үндэслэл бх уу? Бүүр цагаандаа гарлаа! Тэмцнээ ёстой юу вэ! Бүүр хөдөлгөөн өрнүүлнэ, харж байгаарай! Бидний амыг ингэж хаах уу? Барахгуй шүү! pic.twitter.com/IGZjNMVj1T
— Uyanga Tsoggerel (@Uyanga_ts) July 26, 2019

Хүнд гэмт холбогдуулан гүтгэсэн нь тогтоогдоод торгуулсан. pic.twitter.com/aQt3bRVWYp
— Zandaakhuu Enkhbold (@enkhboldz) July 26, 2019

Энэ чиний буруу байхаа. Хэл чинь загатнаад байвал Элбэгдорж, Баяр, Сайхнаа, Баярцогт гэх мэт элдвээр доромжилж гүтгэж ална тална голомтыг нь сэгсрэнэ гэж дайрахад шагнал урамшилтай сэдэв байсаар байтал Дархан цаазтай газраар давхисан байна. Яана даа, шоронд хийнэ дээ чамайг.
— Baabar (@Baabarniitlelch) July 26, 2019

Иргэд #Бид99 1%-аа биднийг манлайлуулах гэж сонгодог. Сонгосон 1% маань биднийг дээрэмдээч гэж биш, чөлөөтэй үг хэлэх эрхийг минь боймлооч гэж биш, цагдаагаар сүрдүйлүүлээч гэж сонгоогүй ээ.
— Бонтой (@MBBontoi) July 26, 2019

Гол асуудал нь 2 сая төгрөндөө биш, хуулийн байгууллага буруутайг нь тогтоосон гэдэг үндэслэлээр @Uyanga_ts гэх хаягыг хаалгахад оршиж байсан нь эл бичгээс харагдаж байна. Энэ ч харин жинхэнээсээ "хараагүй, сонсоогүй" гэж дуугай өнгөрөх асуудал биш болж хувирлаа шүү https://t.co/o2JgQ4OAOQ
— Баттөмөрийн ЭНХБАЯР (@Enkhbayar_bat) July 26, 2019

Үг хэлэх эрхэнд халддаг албан тушаалтнууд, цагдаа, шүүх, тэдний гэр бүл, хань хамсаатнуудад визний бойкот зарлахыг Америк, Герман, Английн элчин сайдын яамдуудаас шаардан жагсах маш үр дүнтэй хувилбар бж бас болох юм. Ямар ч авилгалч, дарангуйлагч визний хоригоос айдаг л бхгүй юу
— БАТЫЙ (@batengineer) July 26, 2019