Олон нийтээс ирсэн саналуудыг багцалсан Ерөнхийлөгчийн төслийг ОЛОН НИЙТ нь дэмжихгүй байна

Ерөнхийлөгч Х.Баттулга УИХ-ын чуулганы нэгдсэн хуралдаанд өчигдөр оролцохдоо “Миний бие Үндсэн хуулиар олгогдсон эрхийнхээ дагуу Үндсэн хуулийн нэмэлт өөрчлөлтийг хэлэлцэх явцад олон нийтээс гаргасан саналуудыг багцалж, МОНГОЛ УЛСЫН ҮНДСЭН ХУУЛЬД ОРУУЛАХ НЭМЭЛТ, ӨӨРЧЛӨЛТИЙН санал, төслийг боловсруулснаа та бүхэнд товчлон сонордуулъя” хэмээсэн билээ.

Тэгвэл түүний УИХ-д өргөн барьсан Үндсэн хуульд оруулах нэмэлт, өөрчлөлтийн саналын төслөөс зөвхөн нэг санал буюу УИХ-ын гишүүний тоог 108 болгох, түүний дотор 50 хувийг хувь тэнцүүлэх зарчмаар, 50 хувийг сонгуулийн нэг том тойрог болгож одоогийн тогтолцоогоор сонгох саналыг дэмжиж байгаа эсэх санал асуулга явуулахад уншигчдын 66 хувь буюу дийлэнх нь дэмжихгүй байна.

Өчигдөр эхлүүлсэн тус асуулгад 1,200 гаруй уншигч саналаа өгөөд байгаагаас (2019.7.17-ны 14:30 цаг) уншигчдын ийнхүү дийлэнх хувь нь Ерөнхийлөгчийн гаргасан саналыг бүрэн дэмжихгүй байна гэжээ.

Үнэндээ Ерөнхийлөгч энэ төсөл, саналаа олон нийтээс гаргасан саналуудыг багцалсан гэж хэлсэн. Гэтэл нэг л асуудлыг нь гэхэд олон нийт нь дэмжихгүй байх нь энэ.