KFC брэнд ГССҮТ-ийн түлэнхийн тасагт шаардлагатай тоног төхөөрөмжийг хандивлалаа
KFC брэндийн хамт олон 2019 оны 6 дугаар сард ээлжит “Тэврэлтийн өдөр”-өө зохион байгуулж, “ГССҮТ–н түлэнхийн тасаг”–т Autoclave – Өндөр даралтын ариутгалын төхөөрөмж, ариутгалын багаж хэрэгсэл, саван, түлэнхийн тос, боолт, нярайн тавиур зэрэг хамгийн хэрэгцээтэй тоног төхөөрөмж, багаж хэрэгслийг хандивлалаа.
KFC брэнд нийгмийн хариуцлагын хүрээнд “Тэврэлтийн өдөр”-г 2014 оноос эхлэн сар бүр тасралтгүй зохион байгуулж байгаа бөгөөд нийгэмд эерэг, дулаахан харилцааг бүрдүүлэх, дэм дэмэндээ амьдрахын сайхныг мэдрүүлэхийг эрмэлздэг билээ.
Өнөөдрийн байдлаар Улаанбаатар хотын асрамжийн газрууд, хөгжлийн бэрхшээлтэй иргэд, хүүхдүүд, амьжиргааны төвшнөөс доогуур орлоготой айл өрхийн хүүхдүүд, сургуулийн сурагчдад зориулан дэмжлэг үзүүлж, 6-18 насны 1,500 орчим хүүхдэд халуун дулаан тэврэлтийг бэлэглээд байна.
2019 оны 5 дугаар сард “Тэврэлтийн өдөр”-г “Eye See” нэртэйгээр зохион байгуулж, нийслэлийн Баянзүрх дүүргийн 92-р сургуулийн I-III ангийн 614 хүүхдийг нүдний үзлэгт хамруулан, шил зүүх нэн шаардлагатай 88 хүүхдэд нүдний шил бэлэглэсэн юм.
“Тэврэлтийн өдөр” болон нийгэмд хандсан сайн үйлсийн ажилд KFC брэндийн хэрэглэгч, үйлчлүүлэгчдийн маань худалдан авалтын тодорхой хэсэг зориулагддаг гэдгийг онцолж, хэрэглэгч, үйлчлүүлэгчдээ гүн талархал илэрхийлье.
