11:09 2019/05/30
УИХ-ын чуулганы хуралдаанаар Ерөнхий боловсролын сургуулийн хоол үйлдвэрлэл, үйлчилгээний тухай хуулийн төсөл болон хамт өргөн мэдүүлсэн “Хууль хэрэгжүүлэх зарим арга хэмжээний тухай” Улсын Их Хурлын тогтоолын төслийн 77.1 хувийн саналаар баталлаа.
Энэхүү тогтоолын төсөл батлагдсанаар 2020 оны есдүгээр сарын 1-нээс эхлэн 1-5 дугаар ангийн сурагчид үдийн цай бус үдийн хоол иддэг болох юм. Цаашлаад 2024 он гэхэд Ерөнхий боловсролын 1-12 ангийн бүх сурагч халуун хоолтой болох юм.
Энэ ажлыг хэрэгжүүлэхэд нийт 300 гаруй тэрбум төгрөгийн төсөв шаардлагатай бөгөөд жилд дунджаар 65 орчим тэрбум төгрөг төсөвт суулгахаар төлөвлөжээ.
11:03 2019/05/30
УИХ-ын чуулганы өнөөдрийн хуралдаан эхэллээ. Хуралдаанаар хэлэлцэх асуудлыг танилцуулсны дараа гишүүд асуулт асууж, горимын санал гаргав.
УИХ-ын гишүүн Д.Эрдэнэбат: Өнөөдөр АН-аас эрх баригчдаас хариуцлага нэхэх сөрөг хүчний жагсаал зохион байгуулж байгаа. АН-ын зөвлөл өнөөдөр хэлэлцэх эхний асууудал дээр байлцах шаардлагатай ч жагсаалтай давхцаж байгаа тул энэ асуудлыг хойшлуулж өгөөч гэж хүсч байна.
УИХ-ын гишүүн Л.Болд: Оюутолгойн гэрээг шалгах ажлын хэсгийн дүгнэлтийг зөвхөн Эдийн засгийн байнгын хороогоор бус УИХ-ын чуулганы хуралдаанаар хэлэлцүүлэх шаардлагатай.
УИХ-ын гишүүн Ж.Батзандан: С.Зоригийн хэргийг шалгах Түр хорооны ажлын явцад Б.Содномдаржаа, Т.Чимгээ нарыг хилсээр хэргээр хорьж, ялласан нь улам бүр баталгаажиж байгаа.
УИХ-ын дэд дарга Л.Энх-Амгалан: Д.Эрдэнэбат гишүүний гаргасан саналын тухайд та өөрөө УИХ-ын даргын зөвлөлд орж хэлэлцэх асуудлыг хэлэлцэн батлалцсан. Тиймээс эхний асуудал буюу ЕБС-ийн хоол үйлдвэрлэл, үйлчилгээний тухай хуульд өөрчлөлт оруулах турай хуулийн төслийн эцсийн хэлэлцүүлгийг хойшлуулах боломжгүй.
Б.Бат-Эрдэнэ, Л.Болд нарын гишүүдийн гаргасан саналын тухайд Оюутолгойн гэрээг шалгах ажлын хэсгийн дүгнэлттэй өчигдөр Эдийн засгийн байнгын хорооны гишүүд танилцсан. Тус байнгын хорооноос уг дүгнэлттэй холбогдуулан УИХ-аас тогтоолын төсөл баталж, Засгийн газарт чиглэл өгөх нь зүйтэй гэж үзсэн.
Эрдэнэтийн асуудлаар УИХ-ын гишүүн Я.Санжмятав гишүүний ахласан ажлын хэсэг УИХ-аас томилогдсон байгаа. Энэ ажлын хэсгийн дүгнэлтийг ирэх долоо хоногт УИХ-аар хэлэлцэх юм байна.
Ийнхүү гишүүд асуулт, горимын санал гаргаснаар чуулганы хуралдаан хэлэлцэх асуудалдаа орлоо.
Тавдугаар сарын 30, 31-нд УИХ-ын чуулганы нэгдсэн хуралдаанаар хэлэлцэх асуудлын жагсаалт
11:09 2019/05/30
УИХ-ын чуулганы хуралдаанаар Ерөнхий боловсролын сургуулийн хоол үйлдвэрлэл, үйлчилгээний тухай хуулийн төсөл болон хамт өргөн мэдүүлсэн “Хууль хэрэгжүүлэх зарим арга хэмжээний тухай” Улсын Их Хурлын тогтоолын төслийн 77.1 хувийн саналаар баталлаа.
Энэхүү тогтоолын төсөл батлагдсанаар 2020 оны есдүгээр сарын 1-нээс эхлэн 1-5 дугаар ангийн сурагчид үдийн цай бус үдийн хоол иддэг болох юм. Цаашлаад 2024 он гэхэд Ерөнхий боловсролын 1-12 ангийн бүх сурагч халуун хоолтой болох юм.
Энэ ажлыг хэрэгжүүлэхэд нийт 300 гаруй тэрбум төгрөгийн төсөв шаардлагатай бөгөөд жилд дунджаар 65 орчим тэрбум төгрөг төсөвт суулгахаар төлөвлөжээ.