Умард Солонгосын удирдагч Ким Жон Уны хуягт галт тэрэг өчигдөр үдээс хойш ОХУ-ын алс дорнодын Владивосток хотын төв өртөөнд иржээ.
Тэр өнөөдөр Алс Дорнодын Холбооны Их сургуулийн хотхонд ОХУ-ын ерөнхийлөгч Владимир Путинтай анх удаа уулзах юм.
Кимийн галт тэрэг өчигдөр өглөө үүрээр Пёньян хотоос хөдөлсөн байна. Өглөө эрт тэр ОХУ-ын хилийн Хасан өртөөнд түр саатаж, эцэг өвгөдийнхөө амьдрал, түүхтэй холбоотой байшинг үзэж сонирхжээ.
Владивосток хотод ОХУ-ын засгийн газрын төлөөлөгчид Ким Жон Уныг угтан авч, хүндэт харуул жагссан байна. Хамгийн сүүлд 2011 онд Ким Жон Уны эцэг Ким Жон Ил ОХУ-ын нутагт айлчилж, тухайн үед ерөнхийлөгч байсан Дмитрий Медведевтэй уулзаж байжээ.
Айлчлалын үеийн сонирхолтой агшнууд:
Эх сурвалж: Russia Today