2020/05/30
Америк доллар
МОНГОЛ БАНК:
2,805.97₮
B30
УЛААНБААТАР
11°
|
B30
УЛААНБААТАР
19°
|
B30
УЛААНБААТАР
18°
|
21:00
S29
22:00
S29
23:00
S31
00:00
S29
01:00
S29
02:00
S31
03:00
S31
04:00
S31
05:00
S29
06:00
S32
07:00
S32
08:00
S30
Энэ мэдээ хуучирсан буюу 2019/04/22 -нд нийтлэгдсэн мэдээ болно.

Өмнөд Солонгост дээд боловсрол эзэмшсэн гадаадын харьяатуудыг иргэнээ болгох хуулийн төслийг өргөн барьжээ

Э.Сэмүүн, ikon.mn
2019 оны 4 сарын 22
iKon.MN
Зураг

Өмнөд Солонгост бакалавр болон түүнээс дээш зэргийн боловсрол эзэмшсэн гадаадын харьяатуудыг хялбар замаар иргэнээ болгох хуулийн төслийг өнөөдөр тус улсын хэсэг парламентчид хэлэлцүүлэхээр өргөн барьжээ.

Өмнөд Солонгосын хүн амын тоо 2028 онд оргилдоо (51.94 сая) хүрсний дараа тасралтгүй буурсаар 2067 онд 1980-аад оныхоо түвшинд (39.29 сая) хүрнэ гэж статистикчид тооцоолсон байдаг.

Тиймээс хүн амын өсөлтийг хадгалах, ажиллах хүчний хомсдлыг арилгах зорилгоор өндөр боловсролтой гадаадын харьяатуудыг иргэнээ болгох бодлого боловсруулснаа хуулийн төслийг санаачлагчид тайлбарлажээ.

Одоогийн цагаачлалын хууль голдуу солонгос хүнийг өөр үндэстнүүдтэй гэр бүл болох явдлыг зохицуулах зорилготой байдаг бол боловсролтой хүмүүсийг иргэнээ болгох чиглэлд хангалтгүй анхаарал хандуулсан гэж хуулийг санаачлагчдын ахлагч, сөрөг хүчний Ардчилал, Энх тайвны намын гишүүн Ким Кюн Жин тайлбарласан байна.

2016 оноос 2017 оны хооронд Өмнөд Солонгост суралцагч гадаад оюутны тоо 16.5 хувь өсөж, 135,000-д хүрснийг засгийн газрын тоо баримт харуулжээ. Энэ хугацаанд тус улсад амьдардаг гадаадын иргэдийн тоо 6.4 хувь өсөж, 2.18 саяд хүрсэн байна.

 

Эх сурвалж: Yonhap News

 




2020 оны УИХ-ын сонгуультай холбоотой нэгдсэн мэдээ, мэдээллийг та манай “Сонгууль 2020” хуудаснаас аваарай!

x