2019/07/22
Америк доллар
МОНГОЛ БАНК:
2,661.76₮
B30
УЛААНБААТАР
21°
|
17°
B30
УЛААНБААТАР
20°
|
15°
B30
УЛААНБААТАР
22°
|
15°
13:00
S40
18°
14:00
S40
16°
15:00
S40
14°
16:00
S40
15°
17:00
S40
15°
18:00
S40
15°
19:00
S40
15°
20:00
S40
15°
21:00
S40
14°
22:00
S40
14°
23:00
S40
14°
00:00
S26
14°
Энэ мэдээ хуучирсан буюу 2019/04/18 -нд нийтлэгдсэн мэдээ болно.

Б.Баатархүү: Нийслэлд эхний гурван сарын хугацаанд гэмт хэргийн гаралт 16.4 хувиар буурсан

А.Төгөлдөр, iKon.mn
2019 оны 4 сарын 18
iKon.MN
Гэрэл зургийг mpa.mn

ЦЕГ-ын Хэвлэл мэдээллийн төвийн дарга, цагдаагийн дэд хурандаа Б.Баатархүүгээс гэмт хэргийн гаралт буурсан талаар тодрууллаа. 

-Улсын хэмжээнд эхний гурван сарын байдлаар гэмт хэргийн гаралт өмнөх оны мөн үетэй харьцуулахад буурсан гэсэн үзүүлэлттэй байгаа юм байна. Энэ талаар тодруулахгүй юу?

-Улсын хэмжээнд 2019 оны нэгдүгээр улиралд 58,959 гомдол мэдээлэл хүлээн авч шалгаснаас гэмт хэргийн шинжтэй нь 17,031 буюу нийт өргөдөл гомдлын 32.8 хувийг эзэлж байна. 

Улсын хэмжээнд нэгдүгээр улирлын байдлаар 9,905 гэмт хэрэг бүртгэгдсэн байна. Нийт гэмт хэргийн 67.3 хувь нь Улаанбаатар хотод, 32.4 хувь нь орон нутагт, үлдсэн нь бусад газарт үйлдэгджээ. 

Үүнээс харахад нийт гэмт хэргийн гаралтын 67.3 хувийг Улаанбаатар хотод үйлдэгдсэн хэрэг эзэлж байна. Энэ нь өмнөх оны мөн үеэс 1,309 гэмт хэргээр буюу 16.4 хувиар буурсан үзүүлэлттэй байна. 

-Нийслэлд гэмт хэргийн гаралт буурахад нөлөөлсөн хүчин зүйл юу байв?

-Цагдаагийн байгууллагад бүртгэгддэг нийт гэмт хэргийн 30 орчим хувийг хулгай, 25 орчим хувийг хүний эрүүл мэндийн эсрэг гэмт хэрэг, 20 гаруй хувийг зам тээврийн ослын хэрэг эзэлдэг. Энэ төрлийн гэмт хэргээс урьдчилан сэргийлэх, бууруулах чиглэлээр цагдаагийн байгууллагаас томоохон арга хэмжээнүүдийг авч хэрэгжүүлсэн. 

Гэмт хэргээс урьдчилан сэргийлэх чиглэлээр нэг, хоёрдугаар сард сургалт зохион байгуулсан. Үр дүнд нь хулгайн гэмт хэрэг өндөр хувиар буурсан. Гуравдугаар сард олон баяр давхцдаг. Тиймээс энэ сард “Нэг хором” аяныг зохион байгуулсан. Энэ аяны нөлөөгөөр хүний эрүүл мэндийн халдашгүй байдлын эсрэг гэмт хэрэг өмнөх оны мөн үетэй харьцуулахад улсын хэмжээнд 18 хувиар буурсан эерэг үр дүн харагдаж байгаа. 

Хулгай, зам тээвэр, хүний халдашгүй байдлын эсрэг гэмт хэргээс урьдчилан сэргийлэх ажил, арга хэмжээг зохион байгуулсны дүнд буурч байгаа. Хэвлэл мэдээллийн хэрэгсэл, олон нийтийн байгууллагын дэмжлэгтэйгээр энэ аяныг зохион байгуулснаар эерэг үр дүнд хүрч байна. 

Нийслэл хотын онцлог гэвэл халаасны хулгайн гэмт хэрэг буурсан. НЦГ-ын Мөрдөн байцаах газрын Халаасны хулгайн гэмт хэрэгтэй тэмцэх хэлтсийнхэн маань нийтийн тээврийн хэрэгсэл, олон нийтийн газар, эрүүл мэндийн газар, томоохон худалдааны төвүүдэд хяналтаа сайжруулсантай холбоотой. 

Улаанбаатар хотод гэмт хэрэг буурсан нь тодорхой төрлийн гэмт хэрэг рүү чиглэсэн цохилт, арга хэмжээн зохион байгуулсантай холбоотой гэж харж байгаа.

-Аль нэг төрлийн гэмт хэрэг рүү чиглэсэн арга хэмжээ зохион байгуулахад цагдаагийн алба хаагчдын ачаалал хэр нэмэгддэг вэ?

-Хэрэг буурна, шалгах хэрэг багасна гэдэг нь ачаалал хөнгөрнө гэсэн үг. Гэхдээ цагдаагийн алба хаагч өндөр ачаалалтай ажилладаг. Гэмт хэргээс урьдчилан сэргийлэх ажил гэдэг нь дан ганц цагдаагийн байгууллагын ажил биш нийт ард иргэд, ААН, төрийн болон ТББ-ын үүрэг байдаг. Энэ хүрээнд цагдаагийн байгууллагаас төрийн болон ТББ, хэвлэл мэдээлэл, иргэдийн туслалцаатай ажил, арга хэмжээг зохион байгуулснаар үр дүнд хүрч байгаа. 

-“Нэг хором” аян зөвхөн өнгөрсөн сард зохион байгуулагдсанаар дуусч байгаа уу. Цаашид үргэлжлүүлэх үү?

-“Нэг хором” аян маань цаашид зам тээврийн осол, зөрчлөөс урьдчилан сэргийлэх чиглэлд үргэлжилнэ. Жолооч нар нэг хормын уур бухимдлаа бариагүйгээс осол аваар гаргадаг. Үүнээс урьдчилан сэргийлэх чиглэлээр ажил, арга хэмжээ явагдаж байна. 

Мөн дөрөвдүгээр сарын 15-наас байгаль орчны эсрэг хүрээлэн буй орчны эсрэг гэмт хэргээс урьдчилан сэргийлэх арга хэмжээ явагдаж байгаа. 

“Орон нутгийн зам хөдөлгөөний аюулгүй байдал” арга хэмжээ тавдугаар сард явагдана. Дулааны улирал эхэлж байгаатай холбоотой хотоос гадагшлах хөдөлгөөн нэмэгддэг. Үүнийг дагаад орон нутгийн замд гардаг ослын улмаас өмч хөрөнгө, амь насаараа хохирох явдал нэмэгддэг. 

“Нэг хором” арга хэмжээ нь хотын хөдөлгөөнд оролцож буй жолооч нар руу чиглэгдэнэ гэж ойлгож болно. Хүлээцтэй байснаар асуудал шийдэгдэх боломж бий. Энэ чиглэлээр ТЦА-аас “Нэг хором” арга хэмжээг хөдөлгөөнд оролцогчдын дунд зохион байгуулж байна. 

-Хэрэг гарсан хойно нь биш гарахаас өмнө урьчилан сэргийлж, соён гэгээрүүлснээр гэмт хэргийн гаралт багассан гэж дүгнэж болох уу? 

-Яг энэ нь цагдаагийн байгууллагаас баримталж байгаа бодлого. Маш их хөрөнгө мөнгө, цаг хугацаа, хүч зарцуулж байж хэргийг шалгаж, илрүүлдэг. Харин урьдчилан сэргийлж чадсанаар тэр болгоныг хэмнэх боломжтой юм. 
Урьдчилан сэргийлэх ажилд иргэд, олон нийтийн дэмжлэг туйлаас хэрэгтэй. Энэ чиглэлд бидэнтэй хамтарч ажиллаж буй олон нийт, хэвлэл мэдээллийн хэрэгсэл, төрийн болон төрийн бус байгууллагынхандаа талархсанаа илэрхийлье. 

 

Бүртгэгдсэн нийт гэмт хэрэг

Бүртгэгдсэн гэмт хэргийн 67 хувь нь Улаанбаатар хотод үйлдэгдэж байна.

Бүртгэгдсэн нийт гэмт хэрэг (9,905) -ийн 74 хувь буюу 7,322 -т нь эрүүгийн хэрэг үүсгээгүй, яллагдагчаар татах тогтоол үйлдээгүй байна. Үүнд:

 

Өмнөх оны мөн үетэй харьцуулахад гэмт хэрэг гаралт нийслэлд буурч, орон нутаг, хилийн чанадад өссөн үзүүлэлттэй.

Гэмт хэргийн илрүүлэлт

Гэмт хэрэгт холбогдсон хүн

Нийт 2,807 хүн гэмт хэрэгт холбогдон шалгагдсан нь өмнөх оны мөн үетэй харьцуулахад 14.9 хувиар өссөн.

Гэмт хэрэгт холбогдсон эмэгтэйчүүдийн тоо өмнөх оноос 33-р нэмэгдсэн буюу 11.6 хувиар өссөн, хүүхэд 74-р нэмэгдсэн буюу 63.2 хувиар өссөн байна.

 

Энэ оны эхний гурван сард нийт 28.8 мянган хүн эрүүлжүүлэгдсэн нь өмнөх оны мөн үетэй харьцуулахад 8.1 мянга буюу 39.4 хувиар нэмэгдсэн байна. Энэ нь сард 9.6 мянга, өдөрт дунджаар 320 орчим хүн эрүүлжүүлэгдэж байна гэсэн үг. 

Өнгөрсөн мөн үед эрүүлжүүлэгдсэн хүний тоо 20.7 мянга байсан ба энэ тоог 2017 онтой харьцуулахад арван хувиар нэмэгдсэн нь харагдаж байгаа юм.

Эрүүлжүүлэгдсэн хүний 20,954 буюу 72.7 хувь нь Улаанбаатар хотод, 7,866 буюу 27.3 хувь нь орон нутагт. 

 

 

x