2019/04/23
Америк доллар
МОНГОЛ БАНК:
2,637.12₮
B30
УЛААНБААТАР
|
-3°
B30
УЛААНБААТАР
|
-5°
B30
УЛААНБААТАР
10°
|
-3°
10:00
S30
11:00
S30
12:00
S30
13:00
S26
14:00
S26
15:00
S26
16:00
S26
17:00
S26
18:00
S26
19:00
S26
20:00
S26
21:00
S29
Энэ мэдээ хуучирсан буюу 2018/11/08 -нд нийтлэгдсэн мэдээ болно.

Эмсийн хүрээлэнгийн эзэн нас барсныхаа дараа Невада мужийн хууль тогтоох байгууллагад сонгогджээ

Р.Төмөр, ikon.mn
2018 оны 11 сарын 8
iKon.MN

Мягмар гарагт болж өнгөрсөн АНУ-ын конгрессын сонгуулийн нэг сонин тохиолдол нь нас барсан хүн сонгогдсон хэрэг байв.

Бүгд Найрамдах намын 72 настай Дэннис Хоф өнгөрсөн сонгуулиар дунд сургуулийн багш, Ардчилсан Намын Лэсиа Романовыг ялж, Невада мужийн хууль тогтоох байгууллагад сонгогджээ.

Тэр 68 хувийн санал авсныг өчигдөр Невадагийн сонгуулийн хороо мэдээлсэн байна.

Гэвч Хоф гурван долоо хоногийн өмнө нас барсан юм. Тиймээс Бүгд Найрамдах нам оронд нь өөр хүн томилох болсон байна.

Тайчих клуб болон хэд хэдэн эмсийн хүрээлэн эзэмшдэг Хоф өөрийгөө Америкийн биеэ үнэлэгч зуучлагчдын төлөөлөл гэж үздэг байв.

Тэр өөрийгөө “Пахрумпын Трамп” гэж нэрлэдэг байсан нь Хофын оршин суудаг Невадагийн хотын нэр юм.

Өнгөрсөн зургаадугаар сард Хоф өөрийн эзэмшлийн Moonlite Bunny Ranch эмсийн хүрээлэнд сэтгүүлчтэй уулзаж, ярилцлага өгөхдөө өөрийн улс төрийн үзэл баримтлалыг Дональд Трампынхтай таардаг гэж байлаа.

Өнгөрсөн сард сонгуульд өрсөлдөж байхдаа Хоф Невадагийн Кристал хот дахь өөрийн байранд амьсгал хураасныг орон нутгийн цагдаагийн алба мэдээлсэн юм. Нас барсан шалтгаан тодорхойгүй байгаа ч 72 насны төрсөн өдрөө тэмдэглэсний дараа унтаж байгаад амьсгал хураасан гэж ойрын хүмүүс нь гэрчилжээ.

Гурван удаа гэр бүлээсээ салж, “The Art of Pimp” (биеэ үнэлэгч зуучлах урлаг) нэртэй ном хэвлүүлж, HBO сувгийн Cathouse хөтөлбөрт оролцож байсан Дэннис Хоф нэг тайчих клуб, таван эмсийн хүрээлэн эзэмшдэг байв. Невада муж бол биеэ үнэлэлтийг хуулиар зөвшөөрсөн АНУ-ын цорын ганц муж юм.

 

Эх сурвалж: Reuters

 

x