“Эрүүл мэндээ алдвал бүхнийг алдсанд тооц...”

 

Улаанбаатар бол дэлхийд агаарын бохирдлоороо тэргүүлэгч 5 хотын нэг. Өвлийн улиралд ургийн гаж хөгжил, зулбалт нийслэл хотод 3.6 дахин нэмэгддэг. ДЭМБ-аас амьсгалын замын өвчлөлийн 52.9 хувь, уушгины хорт хавдрын 40 хувь нь агаарын бохирдолтой холбоотой болохыг судалгаагаар нотолж, утаа гамшгийн хэмжээнд хүрч, улаан дохио ассаныг жилийн өмнө та бидэнд анхааруулсан. Үхэлд хүргэх утааг бид нүдээрэй харж, хамраарай үнэрлэж, амьсгалах бүрдээ түүнд ойртож байна. Эрүүл мэндээ алдвал бүхнийг алдана.

Өвөл айсуй...

 

Өвчлөл дагуулсан өвөл айсуй. Өвлийн улиралд амьсгалын замын үрэвсэлт өвчнөөр 15 мянган хүн, хатгаа, уушгины үрэвслээр 25 мянган хүн өвчилж, эрүүл мэндийн тусламж үйлчилгээ авч байна. Уушгины хатгалгаа өвчнөөр эмнэлэгт хэвтсэн хүүхдүүдийн 80 хувь нь өвөл эмчилгээ хийлгэсэн байх жишээтэй.

Тиймээс энэ бүх өвчлөлийн шалтгаан болсон утаанаас үр хүүхдээ, эрүүл мэндээ хамгаалахад хүн бүр яг одооноос анхаарал хандуулъя. Эмч нарын зөвлөгөөг дагая. Цэвэр агаарт гарч, явган аялал хийж, уушги цэвэрлэх хүнсний бүтээгдэхүүн хэрэглэж, маск зүүж хэвшье. Энэ бүхэн агаарын бохирдлоос эрүүл мэндээ хамгаалах ерөндөг гэдгийг нийтээрээ ойлгоцгооё.  

Цэвэр агаарт гарч, ууланд аяла

 

Үндэсний үйлдвэрлэгч Монос хүнс компани цэвэр агаарт гарч, ууланд аялахыг ард иргэддээ хандан уриалж байна. Амьсгалын замын өвчлөл, уушгины хорт хавдар, зүрх судасны өвчнөөс сэргийлэх үр дүнтэй арга бол алхах, явган аялал хийх юм. Долоо хоногт 1 удаа тогтмол ууланд алхсанаар зүрхний шигдээс, уушгины архаг бөглөрөл, чихрийн шижин зэрэг өвчнөөс та өөрийгөө хамгаалж чадна. Монос хүнсийнхэн 7 хоног бүрийн ням гаригийг “Уушгиа хайрлах өдөр” болгон, цэвэр агаарт гарч аялах санаачилгыг нийт Монголчууддаа хандан уриалж байна.

“Уушгиа хайрлах өдөрлөг” болов

 

Эрүүл мэндийг дэмжигч Монос хүнс компани өнгөрсөн 7 хоногийн ням гарагт “Уушгиа хайрлах өдөрлөг”-ийг Богд хан уулын Баруун ширээтэд зохион байгууллаа. Монос хүнсийнхэн Зайсангийн амнаас Баруун ширээтийн чиглэлд 2.2 км газар явган аялал хийж уулын оргилд гарсан 300 гаруй аялагчийн амны цангааг өөрсдийн үйлдвэрлэн гаргадаг “Уушги цэвэрлэх цай”-гаараа тайлж, мэргэжлийн эмч нар аялагчдад зөвлөгөө өгсөн юм.

Эрүүл зөв амьдралын дадал, хэвшилд олон нийтийг уриалах зорилготой Монос хүнсийн залуучууд өглөөний 05:30 минутад Богд хан ууланд цуглан аялагчдыг ундлах цай, ус тэргүүтэй 150 кг ачааг Баруун ширээт оргил өөд зөөж, 300 гаруй аялагчийг хамарсан өдөрлөгийг амжилттай зохион байгуулж “Уушгиа хайрлах” энгийн аргыг иргэдэд зөвлөсөн юм.

 

Монос хүнс компанийн үйлдвэрлэдэг “Уушги цэвэрлэх цай” нь хөхүүл ханиадыг намдааж, уушгины үрэвсэл, хатгаа, хатгалгааны үед эмчилгээг дэмжиж, уушгийг цэвэрлэж, цэр ховхолж, биеийн дархлааг дэмжин, бодисын солилцоо, эд эсийн нөхөн төлжилтийг сайжруулж, биеэс хорт бодисыг гадагшлуулах үйлчилгээтэй. Ургамлын гаралтай “Уушги цэвэрлэх цай” агаарын бохирдлоос эрүүл мэндийг тань хамгаалах ерөндөг юм.

Уушгиа хайрлаж, ууланд аялъя МОНОС ХҮНС

Сэтгүүлч: Г.Лхагва