Замын цагдаагийн уулзвар орчмын гүүрэн гарцын ажилтай холбогдуулан түр зам барих газрыг чөлөөллөө

Нийслэлийн Газрын албанаас Хан-Уул дүүрэгт 2 авто замын ажлын газар чөлөөлөлтийг хийлээ. Дээрх 2 авто замын нөлөөлөлд нийт 14 нэгж талбарын 29,098 м2 газар өртсөн бөгөөд 2.5 км авто замыг шинээр тавих ажлын газар чөлөөлөлтийг хийлээ.

Тухайлбал:

• Хан-Уул дүүргийн 2, 3, 4 дүгээр хороо, Яармагийн гүүрний олон төвшний уулзварын замын ажил,
• Хан-Уул дүүргийн 15 дугаар хороо, Замын цагдаагийн уулзвар орчмын олон төвшний огтлолцол бүхий гүүрэн гарц барих төслийн ажилтай холбогдуулан түр зам барих ажлын газрыг чөлөөллөө.

 

Шинээр авто зам тавих ажилд идэвх санаачлагатай оролцож, олон нийтийн эрх ашгийн төлөө газраа чөлөөлсөн дээрх 14 иргэн, аж ахуйн нэгж байгууллагадаа нийслэлийн иргэдийн өмнөөс талархал илэрхийлье гэж Нийслэлийн Газрын албанаас мэдээллээ.