Дархлаажуулалтын асуудлаар Үндсэн хуулийн цэц магадлал гаргалаа
14:56 2018/10/17
Үндсэн хуулийн цэцийн өнөөдрийн Дунд суудлын хуралдаанаар Зөрчлийн тухай хуульд, “Дархлаажуулалт, эсхүл сэргийлэх тарилгад хамрагдах үүргээ биелүүлээгүй бол хүнийг арван таван нэгжтэй тэнцэх хэмжээний төгрөгөөр торгоно.”, мөн “Хүүхдийг дархлаажуулалт, эсхүл эрүүл мэндийн урьдчилан сэргийлэх тарилгад хамруулах үүргээ биелүүлээгүй бол хүнийг тавин нэгжтэй тэнцэх хэмжээний төгрөгөөр торгоно.” гэж заасан нь Үндсэн хуулийн зарим заалтыг зөрчсөн эсэх тухай маргааныг хянан хэлэлцлээ.
Хуралдааны явцад дээрх маргаан нь Үндсэн хуулийн цэцийн харьяалан шийдвэрлэх маргааны шинжийг агуулаагүй буюу Зөрчлийн тухай хуулийн зохицуулалтыг боловсронгуй болгох, эрх зүйн хийдлийг арилгах, хууль хоорондын уялдаа хамаарлыг сайжруулахтай холбоотой асуудал болох нь тогтоогдсон тул Үндсэн хуулийн цэцийн хуралдаанаас магадлал гаргалаа.
Түүнчлэн, “Дархлаажуулалт”, болон “Сэргийлэх тарилга” гэх ойлголтыг хууль зүйн хувьд тодорхой болгох, дархлаажуулалт, сэргийлэх тарилгад хамрагдахаас хуулийн дагуу татгалзах тохиолдолд хэрхэн шийдвэрлэхийг нарийвчлан зохицуулж холбогдох хариуцлагаас чөлөөлөх, хүүхдийн дархлаажуулалтын талаарх эрх зүйн зохицуулалтыг тодорхой болгох, дархлаажуулах бэлдмэлийн улмаас хүний эрүүл мэндэд хохирол учирсан тохиолдолд төрөөс түүний үр дагаврыг арилгах, нөхөн төлбөр олгох хууль зүйн боломжийг бүрдүүлэх хэм хэмжээг хуульчлах зэрэг тулгамдсан асуудал байгааг магадлалдаа онцлон тэмдэглэсэн байна гэж Үндсэн хуулийн цэцийн хэвлэл, мэдээллийн төлөөлөгч мэдээлэв.
12:55 2018/10/17
Үндсэн хуулийн цэцийн танхимын хурал дуусаж, гишүүдийн зөвлөлгөөн эхэлсэн байна. Цэцийн гишүүд гаргасан шийдвэрээ 14:00 цагаас танилцуулахаар болжээ.
10:00 2018/10/17
Үндсэн хуулийн цэцийн дунд суудлын хуралдаан эхэллээ.
Өнөөдрийн хуралдаанаар дархлаажуулалт болон эрүүл мэндийн урьдчилан сэргийлэх тарилгад өөрийгөө болон хүүхдээ хамруулах үүргээ биелүүлээгүй иргэнд Зөрчлийн тухай хуулиар торгох шийтгэл хүлээлгэх нь Үндсэн хуульд нийцэж байгаа эсэхийг хянан хэлэлцэж байгаа юм.
.Хуралдаанд мэдээлэл гаргагч, иргэн Ж.Занаа, УИХ-ын итгэмжлэгдсэн төлөөлөгч Х.Нямбаатар нар оролцож байна.
ЗӨРЧЛИЙН ТУХАЙ ХУУЛИЙН ЗААЛТ:
6.9 дүгээр зүйл. Дархлаажуулалтын тухай хууль зөрчих
1. Дархлаажуулалт, эсхүл сэргийлэх тарилгад хамрагдах үүргээ биелүүлээгүй бол хүнийг арван таван нэгжтэй /15,000/ тэнцэх хэмжээний төгрөгөөр торгоно.
6.20 дугаар зүйл. Хүүхдийн эрхийг зөрчих
2. Хүүхдийг дархлаажуулалт, эсхүл эрүүл мэндийн урьдчилан сэргийлэх тарилгад хамруулах үүргээ биелүүлээгүй бол хүнийг тавин нэгжтэй /50,000/ тэнцэх хэмжээний төгрөгөөр торгоно гэж заасан нь Үндсэн хуульд заасан иргэний халдашгүй чөлөөтэй байх эрхийг зөрчсөн эсэхийг тогтоолгохоор нэр бүхий иргэн Үндсэн хуулийн цэцэд хандсан юм.
Цэцээс гаргасан дүгнэлтийг хүргэх болно.
12:55 2018/10/17
Үндсэн хуулийн цэцийн танхимын хурал дуусаж, гишүүдийн зөвлөлгөөн эхэлсэн байна. Цэцийн гишүүд гаргасан шийдвэрээ 14:00 цагаас танилцуулахаар болжээ.
14:56 2018/10/17
Үндсэн хуулийн цэцийн өнөөдрийн Дунд суудлын хуралдаанаар Зөрчлийн тухай хуульд, “Дархлаажуулалт, эсхүл сэргийлэх тарилгад хамрагдах үүргээ биелүүлээгүй бол хүнийг арван таван нэгжтэй тэнцэх хэмжээний төгрөгөөр торгоно.”, мөн “Хүүхдийг дархлаажуулалт, эсхүл эрүүл мэндийн урьдчилан сэргийлэх тарилгад хамруулах үүргээ биелүүлээгүй бол хүнийг тавин нэгжтэй тэнцэх хэмжээний төгрөгөөр торгоно.” гэж заасан нь Үндсэн хуулийн зарим заалтыг зөрчсөн эсэх тухай маргааныг хянан хэлэлцлээ.
Хуралдааны явцад дээрх маргаан нь Үндсэн хуулийн цэцийн харьяалан шийдвэрлэх маргааны шинжийг агуулаагүй буюу Зөрчлийн тухай хуулийн зохицуулалтыг боловсронгуй болгох, эрх зүйн хийдлийг арилгах, хууль хоорондын уялдаа хамаарлыг сайжруулахтай холбоотой асуудал болох нь тогтоогдсон тул Үндсэн хуулийн цэцийн хуралдаанаас магадлал гаргалаа.
Түүнчлэн, “Дархлаажуулалт”, болон “Сэргийлэх тарилга” гэх ойлголтыг хууль зүйн хувьд тодорхой болгох, дархлаажуулалт, сэргийлэх тарилгад хамрагдахаас хуулийн дагуу татгалзах тохиолдолд хэрхэн шийдвэрлэхийг нарийвчлан зохицуулж холбогдох хариуцлагаас чөлөөлөх, хүүхдийн дархлаажуулалтын талаарх эрх зүйн зохицуулалтыг тодорхой болгох, дархлаажуулах бэлдмэлийн улмаас хүний эрүүл мэндэд хохирол учирсан тохиолдолд төрөөс түүний үр дагаврыг арилгах, нөхөн төлбөр олгох хууль зүйн боломжийг бүрдүүлэх хэм хэмжээг хуульчлах зэрэг тулгамдсан асуудал байгааг магадлалдаа онцлон тэмдэглэсэн байна гэж Үндсэн хуулийн цэцийн хэвлэл, мэдээллийн төлөөлөгч мэдээлэв.
