ФОТО: Төв талбай дахь "Хүчирхэг Монгол" өдөрлөгт оролцогчид

Ерөнхий сайдын ивээл дор "Хүчирхэг Монгол" спортын өдөрлөг төв талбайд болж байна. Өдрийн турш спорт клубууд нээлттэй, эрүүл мэндийн үзлэг үнэгүй байх юм.

Өдөрлөгийн үеэр Монголын пауэрлифтингийн шилдэг тамирчдын чансаа шалгах тэмцээн, 40 гаруй спортын төрлийн үзүүлэх тоглолт боллоо.

Ерөнхий сайд У.Хүрэлсүх, Боловсрол, соёл, шинжлэх ухаан, спортын сайд Ц.Цогзолмаа, Эрүүл мэндийн сайд Д.Сарангэрэл болон биеийн тамир, спортын байгууллагуудын тамирчид, багш сурагчид, иргэд олон нийт өргөнөөр оролцлоо. 

Энэ үеэр "Харанга" хамтлаг, "Чингис хаан" хамтлагийн ахлагч, МУГЖ Д.Жаргалсайхан нар ирж ая дуугаа өргөсөн юм.

Өдөрлөгийн гэрэл зургуудаас сонирхуулж байна.