2018/08/17
Америк доллар
МОНГОЛ БАНК:
2,463.71₮
B32
УЛААНБААТАР
23°
|
B30
УЛААНБААТАР
27°
|
10°
B47
УЛААНБААТАР
19°
|
14°
20:00
S44
16°
21:00
S32
15°
22:00
S32
14°
23:00
S32
13°
00:00
S32
11°
01:00
S32
10°
02:00
S32
10°
03:00
S32
04:00
S32
05:00
S32
06:00
S32
07:00
S32
10°
Энэ мэдээ хуучирсан буюу 2018/04/12 -нд нийтлэгдсэн мэдээ болно.

Б.Сарантуяа: Залуучууддаа юу үлдээв гээд харахаар хангалттай хөдөлмөрлөөгүй юм болов уу гэж бодогдох юм

А.Үлэмж, iKon.mn
2018 оны 4 сарын 12
iKon.MN
Гэрэл зургийг mpa.mn

Монгол Улсын гавьяат жүжигчин, Зууны манлай дуучин Б.Сарантуяа жил бүрийн дөрөвдүгээр сарын 20-нд эрхэмсэг үзэгч, фэнүүдтэйгээ төрсөн өдрөө цуг тэмдэглэдэг билээ. Энэ жил ч мөн тэрбээр уламжлал ёсоор төрсөн өдрийн тоглолтоо хийхийн зэрэгцээ өөрийнх нь амьдралын тухай өгүүлэх "Зууны дуу хоолой. Би Сараа" номын баяраа хийж гэж буй юм.

1995 оны дөрөвдүгээр сарын 21, 22-нд УДБЭТ-ын тайзнаа анх тавигдаж байсан "Инээмтгий хүн" театрчилсан тоглолтоо “Saraa's Music Production” нэртэйгээр 23 жилийн дараа дахин сэргээн үзэгчиддээ толилуулах гэж байна. 

Тиймээс бид дуучин Б.Сарантуяатай удахгүй болох тоглолтынх нь талаар хором зуур ярилцлаа.

-Сайн байна уу? Таны төрсөн өдрийн тоглолт үзэгч, фэнүүдийн хувьд хүсэн хүлээдэг баярын нэг болоод байна. Энэ жилийн "Инээмтгий хүн" тоглолт ямар онцлогтой байна вэ? Бэлтгэл ажил хэр явагдаж байна вэ?

-Сайн байцгаана уу. Төрсөн өдрийн баяраа 2000 оноос хойш эрхэмсэг үзэгч, фэнүүдтэйгээ 10 дахь удаагаа цуг тэмдэглэх гэж байгаадаа их баяртай байна. 

Энэ жилийн хувьд 23 жилийн өмнө тоглож байсан "Инээмтгий хүн" театрчилсан тоглолт болон номын баяраа цуг хийх гэж байгаагаараа онцлогтой.

Нэгдүгээрт, энэ бол тэр чигээрээ амьд тоглолт байх болно.Тоглолт хоёр хэсэгтэй байх бөгөөд эхний хэсэг нь театрчилсан тоглолт. Хоёрдугаар хэсэгт шинэ болон хит дуунуудаасаа хуваалцана.

Хоёрдугаарт, миний 25-хан настайдаа тоглож байсан "Инээмтгий хүн" театрчилсан тоглолтыг үзсэн цөөн тооны хүмүүс л байгаа. Тэгэхээр дахин тайзнаа амилуулж, орчин үеийн хэв маяг шийдлүүдийг оруулж хийх гэж байгаа юм. 1995 онд "Инээмтгий хүн" тоглолтыг On'n Off продакшн зохион байгуулж байсан бол энэ удаа “Skin Entertainment” хариуцан ажиллаж байна. 

Театрчилсан тоглолт нь нэг сэдэв барьсан байдаг. Мэдээж хэрэг энэ нь хайрын сэдэв байх болно. Ердийн тоглолтыг бодвол илүү сонирхолтой, үйл явдалтай байх юм. Тиймээс УДБЭТ-ын балетын бүжигчид, орчин үеийн бүжгийн хамтлаг, амьд хөгжмийн “Random” хамтлаг оролцоно.

Бэлтгэл энэ долоо хоногоос эхэлчихсэн, одоогоор 60 хувьтай явагдаж байна. Тоглолтын ивээн тэтгэгчээр "Жигүүр гранд групп" ажиллаж байгаа. 

Ер нь энэ тоглолт нь "миний даван туулсан амьдралын зам зөв байж дээ" гэж өөртөө хэлэх боломж гэж бодож байна. 

-Таны амьдралын тухай өгүүлэх "Зууны дуу хоолой. Би Сараа" намтар роман ном хэвлэгдэн гарчээ. Энэ номынхоо талаар танилцуулаач? Яруу найрагч Р.Эмүжин бичсэн байсан.

-Энэхүү намтар романыг анх 2015 онд бичихээр болж, нэг сэтгүүлч бүсгүйд санал тавьж байсан юм. 2016 оны намар би "30 жилийн ойн тоглолт"-оо хийхээр төлөвлөсөн байсан боловч тодорхой шалтгааны улмаас ном маань хэвлэгдэж гараагүй. 

Ингээд яруу найрагч Р. Эмүжин найз минь миний авралын од болсон. Р.Эмүжинтэй би 1998 оноос хойш нөхөрлөсөн.Тэр миний амьдралын амжилт, уналт, жаргал, зовлон бүхий л цаг үеийн гэрч.

Р.Эмүжин ч мөн нэг удаа "Би Сараагийн фэн биш. Гэхдээ би Сараагийн амьдралынх нь зарчим, зан араншингийнх нь фэн байж болох юм" гэж байсан. Тэгэхээр яах аргагүй Р.Эмүжин бол миний амьдралын найз.

Анх би яагаад Р.Эмүжинд санал тавиагүй гэхээр найз нь найзыгаа хөндлөнгөөс бичихэд их хэцүү байх гэж бодож байсан. Гэхдээ түүний бичсэн "Хөх сарны явдал" романыг уншаад маш таалагдсан. Яруу найрагч хэр нь үргэлжилсэн үгийн зохиолыг маш сайн бичсэн байсан, бичилт нь орчин үеийн, энгийн, сонирхолтой санагдсан. Тиймээс би найздаа хандсан.

-Ном их олон зурагтай, мөн хуудас бүр нь өнгөтөөр хэвлэгджээ. Их өндөр үнээр бүтсэн байх?

-Тийм ээ, ном маш өндөр үнээр бүтдэг юм байна. Чамгүй их зардал гарсан, бүгдийг үнэгүй хийнэ гэж байхгүй шүү дээ. 

2013 оны төрсөн өдрөөр маань"Хөх Монгол принтинг" компани миний уран бүтээлийг ивээн тэтгэнэ гэж амлалт гаргаж байсан. Ингээд 2017 оны арванхоёрдугаар сарын 28-нд номыг маань бүгдийг нь хэвлэж гаргаж өгсөн, Ерөнхий ивээн тэтгэгчээр ажилласан.

Мөн "Гоёо" брэнд болон "Очир ундраа" групп өгөөмөр гараа сунгаж, номын ивээн тэтгэгчээр ажилласанд маш талархалтай байгаа.

Номоо хэвлүүлчхээд гэртээ авчраад би яахаа мэдэхгүй хэсэг бодсон. Өөрийнхөө хувийн амьдралаа лангуун дээр тавиад зарна гэхээр бас их сонин. Тиймээс орон нутагт фэнүүддээ зориулж дуулж өгөөд, номын баяр хийхээр шийдсэн. Ингээд саяхан гуравдугаар сард Дархан, Эрдэнэт, Өмнөговь, Цогтцэций, Мандалговьд фэнүүддээ зориулсан VIP тоглолтуудыг хийж, номын баяраа хийсэн байгаа. 

-Одоо болох тоглолтын үеэрээ мөн номын баяр хийнэ гэж байсан. Тоглолтын аль хэсэгт хийх вэ?

-Тоглолтын өмнө, дундуур нь хүмүүс номоо худалдаж авах боломжтой. Мөн тоглолтын дундуур 20 минутын завсарлага болно. Энэ үеэр би болон яруу найрагч Р.Эмүжин нар гарын үсэг зурж, зургаа татуулна. 

-Тоглолтын үеэр өөр ямар нэгэн задалж болох сюрприз байгаа юу?

-Тоглолтын хоёрдугаар хэсэгт би сүүлийн үеийн уран бүтээл болон хит дуунуудаа дуулна. "Амьдрал" киноны дуу хамгийн сүүлийн үеийн уран бүтээл байгаа. Мөн Voice шоугаар дахин алдаршаад буй "Хаврын ганц улиас" дуугаа дуулна. Энэ дашрамд хэлэхэд Voice тэмцээний дуунуудынх нь зохиогчийн эрх зөрчигдөж байгаа харагдсан. 

Нэг сюрприз гэвэл сүүлийн үед миний Оргилтой хамтран дуулсан "Чам руу над руу урсана" дуу залуучуудын дунд хит болоод байгаа талаар сонслоо. Тиймээс энэ дуугаа хоёр залуутай хамтран дуулна. Мөн өнөөдөр "Инээмтгий хүн" дууны маань клип цацагдаж, олон нийтийн хүртэл болж эхэллээ.

"Инээмтгий хүн" дууны шинэхэн клипийг хүлээн авч үзнэ үү

-Та одоо 48 нас хүрч байна. Жил бүр тоглолтоо хийсээр үзэгч, фэнүүд тань тодорхой хэмжээний хүлээлттэй болсон шүү дээ. Та хэдэн нас хүртлээ энэ тоглолтоо хийх төлөвлөгөөтэй байна вэ?

-Болдог бол би одоо ч зогсчихмоор байна. Гэхдээ рок попын ертөнцөд залуучуудад би юу үлдээв гээд эргээд харахаар хангалттай сайн хөдөлмөрлөөгүй юм болов уу гэж бодогдох юм. Залуучуудын төлөө ямар нэг юм хийж, үлдээх хэрэгтэй санагддаг.

Энэ утгаараа урлагийн сургууль байгуулна гэсэн хүсэл эрмэлзэл минь хэвээрээ байсаар байгаа. Сургуулиа байгуулж чадвал хойч үедээ юм үлдээх сууриа тавина гэж бодож байна. Ингэж чадвал тайзнаас хөнгөхөн буучихна.

-Тоглолтын дараа таныг Казакстанд бие даасан тоглолтоо хийхээр төлөвлөсөн гэж сонссон? 

-Тийм ээ, тавдугаар сарын 12-нд Казахстан улсын Алматы хотод тоглолт хийнэ. Мөн үргэлжлүүлээд Москвад хийх бодолтой байна.

-Ярилцсанд баярлалаа. 

 

 

x