2018/06/20
Америк доллар
МОНГОЛ БАНК:
2,426.54₮
B30
УЛААНБААТАР
29°
|
13°
B28
УЛААНБААТАР
23°
|
16°
B30
УЛААНБААТАР
27°
|
14°
03:00
S32
12°
04:00
S32
11°
05:00
S44
11°
06:00
S44
12°
07:00
S44
16°
08:00
S44
19°
09:00
S44
21°
10:00
S44
24°
11:00
S44
26°
12:00
S44
27°
13:00
S44
28°
14:00
S44
29°
Энэ мэдээ хуучирсан буюу 2018/03/09 -нд нийтлэгдсэн мэдээ болно.

"Хатгааны эсрэг гурван тун вакциныг бүрэн хийлгэхэд 10-15 жилийн дархлаа тогтоно"

А.Намуун, iKon.mn
2018 оны 3 сарын 9
iKon.MN
Гэрэл зургийг mpa.mn

Нийслэлийн бүх дүүрэгт энэ сарын 1-нээс эхлэн 2 сартай хүүхдүүдийг товлолын дагуу пневмококкийн эсрэг 13 цэнт вакцинаар дархлаажуулж байна. Ингэхдээ эхний тунг 2 сартай, хоёр дахь тунг 4 сартай, гурав дахь тунг 9 сартай хүүхдэд тус тус хийж байгаа юм. Энэ талаар өнөөдөр ЭМЯ-наас мэдээллээ.

ЭМЯ-ны тандалт, шуурхай удирдлагын хэлтсийн дарга Д.Нарангэрэл "Манай улсад 2016 оноос эхлэн нийслэлийн Сүхбаатар, Сонгинохайрхан дүүрэгт, 2017 онд Баянзүрх дүүрэгт уушгины хатгалгааны эсрэг вакциныг нэвтрүүлж 87,900 хүүхдийг дархлаажуулаад байна.

Энэхүү вакцин нь уушгины хатгаа өвчтэй хүүхдүүдийн өвчлөлийг 40 хувиар бууруулж чадсан. Үүн дотроо хүнд хэлбэрийн хатгаа өвчнийг 28-30 хувиар бууруулсан өндөр үр дүнтэй байна.

Иймээс Монгол Улсын Засгийн газар энэхүү вакциныг 2020 он гэхэд бүрэн нэвтрүүлж дуусах зорилт тавин ажиллаж байна. 

Энэ онд 38,000 хүүхдийг 3 удаагийн тунгаар дархлаажуулахад шаардлагатай 110,000 хүн/тун вакциныг НҮБ-ын Хүүхдийн санд захиалж, 35,000 хүн/тунг хүлээж авсан, үлдэгдэл 75,000 хүн/тун вакциныг 2 дугаар улиралд багтаан авна.

2019 онд Улсын хэмжээнд бүх аймагт энэхүү вакциныг нэвтрүүлэх зорилт тавьсан байна. Вакцины зах зээлийн үнэ 1 хүн/тун нь 13-15 ам.доллар байдаг харин НҮБ-ын Хүүхдийн сангийн хөнгөлттэй үнэ болох 3.5 ам.доллараар худалдан авч байна.

Уг вакцины 3 тунг бүрэн авсан хүүхэд пневмококкоор үүсгэгдсэн уушгины хатгаа өвчний эсрэг 10-15 жилийн дархлаа тогтоно.

Өнөөдрийн байдлаар хоёр сартай 520 хүүхэд уг вакцинд хамрагдаад байна. Эцэг эхчүүд хүүхдээ өрхийн эмнэлэг дээрээ товлолын дагуу хамруулах боломжтой" гэв.

Түүнчлэн 2019 онд улсын хэмжээнд 74,300 хүүхдийг 3 удаа дархлаажуулахад 202,700 хүн/ тун вакцин, дагалдах хэрэгсэл, тээврийн зардалд 2,069,000,000 төгрөг шаардлагатай гэж тооцоолжээ.

x