1990-ээд оноос хойш тус цогцолборын эргэн тойронд бүтээн байгуулалт, өөрчлөлт шинэчлэлтийн ажлууд хийгдэж хур хог, газрын бүтэц, гадна тохижилт ихээр гэмтсэн байсан юм.
1961 онд Ардын хувьсгалын 40 жилийн ойг тохиолдуулан ЗХУ-аас тухайн үеийн анагаах ухааны орчин үеийн хамгийн шилдэг багаж тоноглолыг иж бүрнээр нь манай улсад шилжүүлэн өгч 45 ор бүхий “Цацраг туяа”-ны эмнэлэг байгуулагдсан нь хавдар судлалын орчин цагийн тусламж үйлчилгээ хөгжих эхлэлийг тавьсан билээ.
Тус үндэсний төв нь ашиглалтад орсноор улсын хэмжээнд олон мянган өвчтөн, эмчлүүлэгчдэд үйлчлэн үйл ажиллагаагаа өнөөдрийг хүртэл хэвийн явуулж байна. 1982 оноос хойш их засвар хийгдэлгүй зөвхөн урсгал засварын хэмжээнд ажлууд хийгдэж байсан бөгөөд гадна тохижилтын хүрээнд 2009 оны 09-р сард эмч судлаач Н.Нямдаваагийн нэрэмжит “Хавдар судлалын үндэсний төв” болон нэр өөрчлөхөд дурсгалын хөшөөний гадна тохижилтын ажил хийгдэж байсан юм.