Playtime хөгжмийн фестивалийн эхний өдрийн УРАН БҮТЭЭЛЧИД болон ЭХЛЭХ ЦАГ
- "Playtime" хөгжмийн фестиваль долдугаар сарын 2-4-ний өдрүүдэд Налайх дүүрэг дэх Playtime хүрээлэнд болох гэж байна. Иймд эхний өдрийн онцлох хамтлаг болон уран бүтээлчдийн гарах цагийг хүргэж байна. Энэ жил нийт уран бүтээлчдийн 49% нь амьд хөгжмийнх, 51% нь электроник хөгжмийнх байгаа юм. "Playtime" хөгжмийн фестивалийг зорин очихоосоо өмнө уран бүтээлчидтэй танилцаж, хөгжмийг нь сонсож үзээд өөрийн сонсох хамтлаг дуучдынхаа жагсаалтыг гаргаарай. Хайртай хамтлаг, уран бүтээлчдээ болон цоо шинэ мэдрэмжүүдийг алдалгүй сонсохын тулд урьдаас өөрийн жагсаалтаа гаргаж сонсохыг зөвлөж байна.
Molchat Doma
Эхний өдрийн онцлох хамтлаг болох Molchat Doma нь 2017 онд Беларусь улсын Минск хотод байгуулагдсан пост-панк гурвал юм. Post-punk, new wave, synth-pop урсгалын огтлолцолд орших тэдний хөгжим харанхуй атлаа бүжиглэм хэмнэлтэй, готик өнгө аястай. Пост-Зөвлөлтийн үеийн гунигт мэдрэмжийг орчин үеийн өнгө төрхтэй хослуулсан тэдний хэв маяг нь гүн монотон хоолой, минимал продакшн, cold-wave гоо зүйгээрээ онцлог.
19:00–21:00 цаг
Төв тайзыг Experimental psychedelic post-hardcore урсгалын Blindfold хамтлаг нээх юм байна. Nu-Metal, Rap-Metal өнгө аястай Vomit, гранж, хэви металын түүхий хэмнэлийг авчрах Vagabond хамтлагууд тайзнаа гарна.
21:00–00:00 цаг
Энэ цагт dream pop, synth-pop урсгалын Teresa In The Moon, альтернатив рок, орчин үеийн фолк хөгжмийн Magnolian, электроник хөгжмийн Fat Hamster & KANG New, Yakutian black metal урсгалын Torden, мөн disco, house, techno хөгжмөөрөө танигдсан Ouissam тэргүүтэй уран бүтээлчид тайзнаа гарна.
00:00–05:00 цаг
Шөнө дунд 00:00 цагаас эхлэн электроник хөгжмийн цаг эхлэх ба бүжгийн талбайг шинэлэг, нарийн мэдрэмжтэй дуугаралтаараа амилуулдаг Jesse You, Diskonnected, CUE+ / TANZRAUM-н үүсгэн байгуулагч 2MAI7 зэрэг DJ-нүүд тоглож эхэлнэ. Харин энэ цагийн хөтөлбөрийн цорын ганц амьд хөгжмийн тоглолтыг Night Train хамтлаг толилуулах болно.
06:00–10:00 цаг
Эхний өдрийг 06:00–10:00 цагт Dunzengarav Music Bar-ын DJ EBA болон Tsxlmxxn, Zolooroc нарын сет хааж, өглөөг тайван атлаа эрч хүчтэй электроник хөгжмийн хэмнэлээр угтах болно.
Нийт амьд хөгжмийн хамтлаг, уран бүтээлчидтэй танилцах бол
энд дарна уу
.
Электроник хөгжмийн уран бүтээлчидтэй танилцах бол энд дарна уу .
Электроник хөгжмийн уран бүтээлчидтэй танилцах бол энд дарна уу .
