ЯАГААД УИХ-ЫН СОНГУУЛЬД НЭР ДЭВШИХ БОЛОВ?

Миний УИХ-ын сонгуульд орж буй туйлын зорилго бол Монгол Төрийг бүтээх ажлыг эхлүүлж, Төрөө бүтээж бэхжүүлэх үйлсэд манлайлан оролцох явдал юм. Төрийг үндэсний үзэлд тулгуурлаж бүтээдэг. Үндэсний үзэл нь тухайн ард түмэнд бие даан бодох сэтгэх чадвар олгож, өөртөө итгэх итгэлийг өгч, ирээдүй өөд тэмүүлэх эрч хүчнийх нь ундарга болж байдаг. Үндэсний үзэлгүйгээр Төрийг бүтээх тухай бодоод ч хэрэггүй. Сүүлийн 30 жилд бидний шүтэж ирсэн Чөлөөт Ардчилал гэдэг үзэл Төрийг устгах зорилго цаанаа агуулсан, үндэсний үзлийн эсрэг үзэл юм. 

Монгол өнөөдөр Төр үгүй болжээ. Бид 1990 оноос хойш Ардчиллыг амжилттай хөгжүүлж ирсэн боловч, түүнтэйгээ хамт Төрөө маш амжилттай устгаж ирлээ. Хамгийн аюултаи тал нь Зөвлөлтийн үеийнхэнтэй бараг ялгаагүйгээр, арай өөр аргаар Монгол үндэсний үзлийг үгүйсгэж, Төрийн хүчийг элдэв аргаар сулруулсаар, өдгөө бараг Төр байхгүйтэй адил болж, анархист дэглэм ноёрхох боллоо. Нам гэгч институц хулгайч, луйварчдын орогнох газар болж хувирчээ. Энэ бол Ардчиллыг хэтрүүлэн "хөгжүүлж" , түүнийг хэт шүтсэний хар гай юм.

Энэ хүнд байдлаас хэрхэн гарах тухай гарц шийдлийг өөрийн хэмжээнд бодож гарах тухай гарц шийдлийг өөрийн хэмжээнд бодож сонгуулийн мөрийн хөтөлбөрөө боловсрууллаа. Та бүхэн таалан соёрхож, таалагдвал миний төлөө саналаа өгөөрэй.