ФОТО: МАН-ын Бага хурал үргэлжилж байна
Монгол Ардын Намын Бага хурлын IV хуралдаан Тусгаар Тогтнолын Ордны Их танхимд үргэлжилж байна.
Энэ удаагийн Бага хурлаар
- Монгол Ардын Намын УИХ-ын сонгуульд оролцох мөрийн хөтөлбөрийг эцэслэн батлах,
- МАХН-тай сонгуульд хамтарч орох эсэх асуудлыг хэлэлцэж байгаа юм.
Эвсэх асуудлыг судлах Ажлын хэсэг "2016 оны сонгуульд МАН, МАХН хоёр эвсэж оролцох боломжтой" гэсэн дүгнэлтийг гаргаснаа танилцуулсан бөгөөд эвсэх эсэх талаар эцсийн шийдвэрийг нам тус бүрийн бага хурлаас гаргах юм.
Бага хурлын үдээс өмнөх хуралдаанаар аймаг, нийслэлийн гишүүдэд сургалт хийсэн бол үдээс хойш МАН-ын Удирдах зөвлөл хуралдсан. Үүний дараа Бага хурал МАН-ын дарга М.Энхболдын илтгэлээр үргэлжилсэн юм.
Хурлын дундуур Ерөнхий сайд асан С.Баяр ирсэн нь олон хүний анхаарлыг татлаа.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
