ФОТО: "Дэлхийн Мисс"-д оролцох Н.Ануд амжилт хүсье!

 

1951 оноос эхлэн зохион байгуулагдсан Дэлхийн Мисс /Miss World/ тэмцээн нь Англи улсад төвтэй Мисс Ворлд Лимитед компанийн албан ёсны лицензийн хүрээнд 65 жилийн турш тасралтгүй зохион байгуулагдаж, Дэлхий ертөнцийн хамгийн авъяаслаг, үзэсгэлэнт 60 бүсгүйг нэрлэсэн олон улсын хэмжээний хамгийн том телевизийн шоу арга хэмжээ юм.  

Энэхүү нэр хүндтэй тэмцээнд Монгол Улс 2005 оноос хойш тасралтгүй 11 дэх жилдээ оролцож байгаа бөгөөд Miss World-2015 тэмцээнд оролцох үндэсний ялагчийг тодруулсан шалгаруулалтаа 2015 оны долоодугаар сарын 4-ний өдөр амжилттай зохион байгуулж үндэсний ялагчаар Намширын Ану тодорсон билээ.

 

Miss World-2015 тэмцээнд Монгол Улсаа төлөөлөн оролцох үндэсний оролцогч Н.Ану дөрвөн сарын хугацаанд тасралтгүй бэлтгэл сургуулилтаа хийсэн бөгөөд энэ сарын 19-ний өдөр Miss World-2015/Дэлхийн Мисс-2015 тэмцээнд оролцохоор эх орноосоо мордох гэж байна. 

Miss World-2015/Дэлхийн Мисс-2015 тэмцээн нь: 

• Beach Beauty 
• Miss Talent 
• Miss Sports 
• Beauty with A Purpose 
• Top Model гэсэн шалгаруулалтын 5 төрлөөр зохион байгуулагдах юм.

65 дахь удаагийн Miss World-2015/Дэлхийн Мисс-2015 тэмцээн нь энэ жил БНХАУ-ын Хайнан арал дахь Санья хотод 2015.11.21-12.19-ний өдрүүдэд зохион байгуулагдах бөгөөд финалын шалгаруулалт 2015.12.19-ний өдөр Beauty Crown Grand Theatre-д (Гоо сайхны титэм Их театр) зохион байгуулагдах юм.

 

Miss World-2015 тэмцээнд Монгол Улсаа төлөөлөн оролцох Н.Ану-д амжилт хүсч, аяных нь дөрөөг сүү өргөн мялааж, ялалт хүссэн хүндэтгэлийн үйл ажиллагаа өнгөрсөн Бямба гарагт Mexikhan restaurant-д амжилттай болж өндөрлөлөө.  MNC телевиз 65 дахь удаагийн Дэлхийн Мисс тэмцээнийг албан ёсны эрхтэйгээр шууд дамжуулан үзүүлэх юм. 

1

2

3

4

5

6

7

8

9

10

11

12

13

14

15