ФОТО: Байгал нуур түймэрт автжээ

Оросын Өмнөд Сибирьт орших Байгал нуур бол дэлхийн хамгийн гүн, хамгийн эртний нуур бөгөөд дэлхийн цэвэр усны нөөцийн 20 хувийг агуулдаг. Харин одоогийн байдлаар Байгал нуурын эрэг дагуу 36 түймрийн голомт шатаж байгаа ба нийт 138,500 га газрыг хамраад байна.

Гал түймэр нуурын усны судлуудыг тасдаж экологийн тэнцвэрт аюул учруулж байгаа гэнэ. Нуурын мандал битүү утаанд автаад байгаа аж.

Үүнд энэ зуны хэт халалт гол буруутан нь гэж үзэж байгаа юм байна.

NASA өөрийн сайтдаа Terra хиймэл дагуулаас MODIS (Moderate Resolution Imaging Spectroradiometer) системээр наймдугаар сарын 22-нд авсан нуурын зургийг нийтэлжээ.

Зураг дээрх улаан цэгүүд нь түймрийг харуулж байгаа ба утаа хэрхэн нуурыг бүрхсэн нь харагдаж байна.