ФОТО: Монголын сүрлэг уулс

Монгол орны нутагт өндөр нам уул, тэгш тал, ухаа гүвээ хослон орших боловч нутгийн ихэнх хэсгийг уул нурууд эзэлдэг тул уулархаг байдалтай. Судлаачдын үзэж буйгаар нийт нутгийн гуравны нэгийг тал газар, үлдсэн хэсгийг уулархаг газар эзэлдэг байна. 

Манай орны уул нурууд ерөнхийдөө урагшаа нумран тогтсон байдаг бөгөөд гурван эгнээг үүсгэдэг. 

-Хойд талынх нь Ханхөхий, Булнай,Бүтээл, Бүрэнгийн нурууг багтаасан уулс.
-Баруун хойноос зүүн урагш сунаж тогтсон Хангайн нуруу, зүүн урдаас баруун хойшоо чиглэлтэй тогтсон Хэнтийн нурууг хамарсан эгнээ уулс.
-Баруун хойноос зүүн урагш сунан тогтсон Монгол Алтай, Говь-Алтайн нууруудыг багтаасан эгнээ уулс юм.

Манай орны уул зүйн байгуулалтын үндсэн бүрэлдэхүүнд:

• Монгол Алтай
• Говь-Алтай
• Хангайн нуруу
• Хэнтийн нуруу
• Хөвсгөлийн уулс
• Хянганы салбар уулс
• Дарьгангын талархаг газар
• Дорнодын тэгш тал, уулс хоорондох хотгорууд орно.

 

Гэрэл зурагчин Б.Баяр

Гэрэл зурагчин Б.Баяр нь 2006 оноос хойш уран бүтээлээ туурвиж байгаа юм. Тэрээр эдийн засагч мэргэжилтэй хэдий ч өөрийн хүсэл сонирхлоор зураг авдаг болсон байна. Мөн тэрээр Монголын үзэсгэлэнт байгаль, газар зүйн тогтоц, онгон зэрлэг амьдрал, шувууд, хүмүүсийн амьдралын хэв маягийг өөрийн дуранд буулгах зорилготой ажилладаг юм байна. Ингээд та бүхэнд гэрэл зурагчин Б.Баярын Монгол орны сүрлэг уулсаар аялахдаа авсан гайхалтай зургуудыг толилуулж байна. Б.Баярын Facebook хуудсанд зочилж түүний бүтээлүүдтэй танилцана уу

Бид цаашид түүний нүд баясгаж, сэтгэл сэргээм гэрэл зургуудыг цувралаар хүргэж байх болно.

1

Хорго уул. Архангай

2

Бүрэнхаан. Зүүн Саяны нуруу. Хөвсгөл аймаг

3

Отгонтэнгэр хайрхан. Завхан

4

Алтай таван богд. Баян-Өлгий аймгийн Цэнгэл, Улаанхус сумдын заагт оршдог.

5

Шивээт хайрхан. Баян-Өлгий

6

Хасагт хайрхан уул. Говь-Алтай

7

Мөнххайрхан уул. Ховд

8

Отгонтэнгэр хайрхан. Завхан

9

Сутай хайрхан. Говь-Алтай

10

Отгонтэнгэр хайрхан. Завхан

11

Сутай хайрхан. Говь-Алтай

12

Сутай хайрхан. Говь-Алтай

13

Дадал уул. Хэнтий

14

Бүрэнхаан уул. Хөвсгөл

15

Хасагт хайрханы уулс. Хүнхэрийн рашаан.

16

Алаг уул. Ховд

17

Уран дөш уул. Хөвсгөл

18

Цагаан шувуут уул. Үүрэг нуур. Увс

19

Цамбагарав уул. Ховд аймгийн Эрдэнэбүрэн, Баян-Өлгий аймгийн Алтанцөгц , Баяннуур сумдын заагт оршдог.